Bullgaria ka nisur çmontimin e monumentit të ushtrisë sovjetike në kryeqytetin Sofje, njoftuan mediat lokale të martën.
Guvernatorja rajonale e Sofjes Vyara Todeva tha se figurat që do të hiqeshin do të inventarizoheshin dhe do të transportoheshin në një vend për ruajtje dhe se ato do të ekspozoheshin në Muzeun e Artit Socialist, sipas agjencisë shtetërore të lajmeve BTA.
Duke komentuar masën, udhëheqësja e Partisë Socialiste Bullgare (BSP) Kornelia Ninov tha se "çdo monument është një pjesë e historisë dhe ne fshijmë një pjesë të historisë sa herë që heqim një monument."
Në një zhvillim të ngjashëm, një grup njerëzish, përfshirë ligjvënës nga BSP-ja, dolën në rrugë kundër çmontimit të monumentit.
Duke komentuar këtë veprim, zëdhënësja e Ministrisë së Jashtme ruse Maria Zakharova tha: “Veprimet ‘barbare’ të ndërmarra nga pala bullgare nuk kanë asnjë justifikim apo falje. Ata duken veçanërisht cinikë në kushtet e rritjes galopante të ndjenjave neo-naziste në vetë Evropën”.
Më 2 gusht, një vendim i qeverisë ndryshoi statusin e kompleksit memorial të ndërtuar në vitin 1954 nga prona publike shtetërore në pronë shtetërore private. Lëvizja u pa si një hap i parë drejt vazhdimit të planeve për të hequr monumentin e kohës së Jozef Stalinit nga vendndodhja e tij aktuale.
Monumenti 45 metra në qendër të kryeqytetit Sofje, u ndërtua nga ish-regjimi komunist.
