Kryetari i Partisë Progresive Serbe (SNS), Millosh Vuçeviq, tha se Serbia nuk do të ketë kurrë një përgjigje më të qartë në zgjedhje – “Me 17 dhjetor Serbia do të zgjedhë nëse do të dalë apo jo”.
“A do ta mbështesin politikën e presidentit Aleksandar Vuçiq, apo do të planifikojnë një rishfaqje të filmit të shëmtuar me liderët e ish-Partisë Demokratike në rolin kryesor”, tha Vuçeviq në një intervistë për Veçernje Novosti.
Ai tha se e pret fitoren e listës “Aleksandar Vuçiq – Serbia nuk duhet të ndalet” në të gjitha nivelet dhe më bindshëm se 18 muaj më parë.
Vitin e kaluar, një pjesë e votuesve tanë vendosën të votojnë për Vuçiqin në zgjedhjet presidenciale, dhe në zgjedhjet parlamentare për koalicionin e mbledhur rreth SPS-së, ose për një nga të ashtuquajturat opsione të opozitës së djathtë.
Sipas tij, “ata janë mashtruar nga mesazhi i socialistëve se ka pasur një lloj marrëveshjeje të papublikuar, sipas së cilës SPS-ja do ta mbështesë Vuçiqin për president dhe pastaj ne progresistët do të votojmë për kryeministër Ivica Daçiqin”.
“Sigurisht që kjo nuk ka ndodhur dhe as marrëveshje të tilla nuk ekzistojnë”, tha Vuçeviq.
