Mjekët e rinj në Angli, të cilët kanë statusin e praktikantit, kanë ndërprerë punën për gjashtë ditë mëngjesin e sotëm, pasi kërkojnë rritje, në një grevë të paprecedentë për sistemin shëndetësor publik të Britanisë.
Pas një greve treditore para Krishtlindjeve dhe disa ndërprerjeve të punës muajt e fundit, mjekët e rinj po intensifikojnë mobilizimin e tyre për shkak të mungesës së marrëveshjes me qeverinë në krizën e shkaktuar nga inflacioni.
Greva e mjekëve të rinj, prej të cilëve janë rreth 70 mijë në Angli, filloi mëngjesin e së mërkurës dhe do të përfundojë në të njëjtën orë të martën.
Greva e re gjashtë-ditore vjen pasi sistemi shëndetësor publik i Britanisë, NHS, ka mungesë të mjekëve dhe po përpiqet të reduktojë listat e mëdha të pritjes së pacientëve.
