LIVE: Ukraina nuk dorëzohet, Rusia pëson humbje të mëdha – lideri çeçen vjen me një propozim për Amerikën

Udhëheqësi çeçen, Ramzan Kadyrov ka kërkuar prej SHBA-ve heqjen e sanksioneve ndaj familjes së tij në këmbim të të burgosurve ukrainas.

Ai ia dorëzoi listën e të burgosurve ish-oficerit të inteligjencës amerikane Scott Ritter, i cili arriti një ditë më parë në Grozny.

“Kam një ofertë interesante për mysafirin tonë. Kemi të burgosur që i kemi marrë nga Donetsku, Luhansku. Po ia jap (listën) mysafirit tonë… Nëse ata heqin sanksionet ndaj nënës sime, vajzave të mia dhe njerëzve të pafajshëm, kuajve. Përveç meje… atëherë ne do t’i dorëzojmë ata njerëz”, tha Kadyrov.

Gjithashtu u shfaq një video-mesazh i të burgosurve, të cilët kërkuan heqjen e “sanksioneve absurde që nuk prekin asgjë” kundër të afërmve të Kadyrovit, kuajve dhe aeroplanit të tij.

“Nëse i plotësoni këto kushte, 20 ushtarë ukrainas do të kthehen në shtëpitë e tyre”, thotë njëri prej tyre në video.

Ndryshe, Kadyrov është futur në listën e të sanksionuarve të amerikanëve pasi ai po e ndihmon Vladimir Putinin në pushtimin rus të Ukrainës.

Ukrainasit po vazhdojnë me sukses t’iu kundërvihen forcave pushtuese ruse.

Mediat raportojnë se forcat ukrainase gjatë ditës së djeshme kanë vrarë 23 ushtarë rusë në sulmin me raketa në bazën ajrore ruse në Saky, Krime.

Raportohet se nëntë prej tyre ishin pjesëtarë të forcave speciale ndërsa në mesin e të vrarëve janë edhe pesë komandantë të rangut të lartë, raporton theguardian.

Thuhet se në mesin e të vrarëve është edhe gjenerali, Valery Gerasimov, por ky informacion është i pakonfirmuar.

Gerasimov është Shefi i Shtabit të Forcave të Armatosura Ruse dhe Zëvendësministri i Parë i Mbrojtjes i Rusisë.

Ndryshe, Rusia ka nisur pushtimin e shtetit ukrainas më 24 shkurt të vitit 2022 duke shkaktuar mijëra viktima dhe dëme të shumta materiale.

Komisioni Qendror Zgjedhor i Rusisë njoftoi të premten se i ka regjistruar dy kandidatë të cilët do të garojnë kundër Vladimir Putinit në zgjedhjet presidenciale në mars.

Komisioni ua pranoi kandidaturat Leonid Slutskyt, kryetarit të komisionit për punë të jashtme në dhomën e ulët të Parlamentit të Rusisë, si dhe Vladislav Davankovit, nënkryetarit të dhomës së ulët të Parlamentit.

Zgjedhjet presidenciale në Rusi do të mbahen më 17 mars.

Stutsky është anëtar i partisë nacionaliste, Partia Liberale Demokratike, ndërsa Davankov vjen nga Partia e Re e Popullit.

Asnjëri prej tyre nuk pritet të jetë në gjendje ta sfidojë Putinin, megjithatë.

Rivalët kryesorë të Putinit, Aleksei Navalny dhe Vladimir Kara-Murza, janë duke kryer dënime të rënda me burgim, për të cilat thonë se janë të motivuara politikisht.

Për Putinin, 71-vjeçar, zgjedhjet janë formalitet, me mbështetje të mediave shtetërore, dhe pothuajse asnjë zë kundërshtar, si dhe burgosje të figurave opozitare.

Mbështetësit e Putinit besojnë se ai e ka rikthyer rendin, krenarinë kombëtare dhe një pjesë të ndikimit të humbur gjatë shpërbërjes së ish-Bashkimit Sovjetik.

Disa e justifikojnë edhe luftën e Rusisë në Ukrainë, të nisur në shkurt të vitit 2022, të cilën Putin e përshkruan si “operacion special ushtarak” për të çmilitarizuar Ukrainën.

Putinit iu dorëzua mandati i presidentit nga Boris Yeltsin në vitin 1999 dhe prej atëherë ka qëndruar në pushtet si president apo kryeministër.

Një mandat i ri do ta mbante atë në pushtet të paktën deri në vitin 2030./REL

Mbrojtja ajrore ruse rrëzoi dhjetëra dronë ukrainas në Krime dhe në Rusinë jugore të premten, thanë zyrtarët, ndërsa Kievi po vazhdon me strategjinë e tij për të vënë në shënjestër gadishullin e aneksuar nga Moska dhe për ta çuar luftën 22-mujore përtej kufijve të Ukrainës.

Sirenat e alarmit për sulm ajror u dëgjuan në Sevastopol, qyteti më i madh në Krime, dhe trafiku u pezullua për të dytën ditë radhazi në një urë që lidh gadishullin me Rusinë. Moska e aneksoi Krimenë ilegalisht një dekadë më parë. Ura mundëson dërgimin e furnizimeve thelbësore për operacionet luftarake të Rusisë.

Ministria ruse e Mbrojtjes tha se mbrojtja e saj rrëzoi 36 dronë mbi Krime dhe një mbi rajonin rus Krasnodar.

Një raketë anti-anije e Ukrainës u shkatërrua gjithashtu mbi pjesën veriperëndimore të Detit të Zi, tha ministria ruse e Mbrojtjes.

Sulmet ukrainase u bënë një ditë pasi tre persona u plagosën të enjten në mbrëmje nga sulme me raketa dhe dronë të Ukrainës në qytetin kufitar rus të Belgorodit dhe rajonin përreth, tha guvernatori i Belgorodit, Vyacheslav Gladkov.

Ai publikoi fotografi në aplikacionin ‘Telegram’ të një pallati me disa xhama të thyer dhe makina të dëmtuara. Ai tha se autoritetet mund të ndihmojnë ata që duan të lëvizin më larg nga kufiri.

Më 6 janar, sulmet ukrainase në Belgorod vranë 25 persona, thanë zyrtarët atje.

Presidenti ukrainas Volodymyr Zelenskyy është zotuar të godasë më shumë objektiva në Gadishullin e Krimesë dhe brenda rajoneve kufitare ruse këtë vit. Qëllimi është të shqetësojë rusët ndërsa Presidenti Vladimir Putin kërkon gjashtë vjet të tjera në pushtet në zgjedhjet që në Rusi do të mbahen më 17 mars.

Një sulm ukrainas mbi objektet ushtarake në Krime të enjten preku një qendër komandimi dhe sistemin e mbrojtjes ajrore të gadishullit, sipas zëdhënëses të forcave të përbashkëta jugore të Ukrainës, Nataliia Humeniuk.

Ajo tha se ushtria ruse kohët e fundit ndryshoi vendin prej nga niste sulmet me dronë të prodhimit iranian Shahed në Krime.

Agjencia e lajmeve Associated Press njofton se nuk ka arritur të verifikonte pretendimet e asnjërës palë.

Pas një sulmi me dron thellë brenda Rusisë vitin e kaluar, zoti Zelenskyy tha se Ukraina kishte prodhuar një armë që mund të godiste objektivat në largësi prej 700 kilometrash. Ai tha se muajin e kaluar Kievi planifikon të prodhojë 1 milion dronë, të cilët janë bërë një armë kyçe në fushën e betejës.

Zyrtarë të tjerë ukrainas thanë se Kievi synon të prodhojë këtë vit më shumë se 10,000 dronë sulmues me një rreze prej qindra kilometrash, si dhe më shumë se 1,000 dronë me rreze më të gjatë që mund të godasin objektivat shumë larg prapa vijës së frontit dhe brenda Rusisë.

Të dyja palët po rrisin aksionet e luftës së tyre me rreze të gjatë, ndërsa ushtarët mbeten të bllokuar në fushën e betejës në kushte e rënda të dimrit. Ministria e Mbrojtjes e Mbretërisë së Bashkuar tha të premten se “luftimi tokësor ka vazhduar të karakterizohet nga ngecje në të njëjtën pikë apo në përparime shumë graduale, lokale ruse në sektorë kyç”.

Kremlini, ndërkaq, ka marrë raketa balistike nga Koreja e Veriut dhe ka nisur të paktën një prej tyre drejt Ukrainës më 30 dhjetor, tha Shtëpia e Bardhë të enjten, duke cituar të dhëna nga shërbimet amerikane të zbulimit. Ajo gjithashtu po kërkon raketa balistike me rreze të afërt nga Irani, tha zëdhënësi i Këshillit të Sigurisë Kombëtare, John Kirby.

Ministri britanik i Mbrojtjes, Grant Shapps, tha se Pheniani do të paguante një çmim të lartë për mbështetjen e Rusisë, megjithëse ai nuk tha se në çfarë mënyre, ndërsa akuzoi Moskën për shkeljen e një embargoje të OKB-së për dërgesat e armëve me Korenë e Veriut.

“Bota i ka kthyer shpinën Rusisë, duke e detyruar Putinin të shkojë në Korenë e Veriut për të vazhduar pushtimin e tij të paligjshëm”, shkroi zoti Shapps në rrjetin social X, që dikur njihej si ‘Twitter’.

I pyetur për këtë çështje, zëdhënësi i forcave ajrore ukrainase Yurii Ihnat tha gjatë një paraqitjeje televizive të premten se ai nuk mund të konfirmonte përdorimin e raketave të furnizuara nga Koreja e Veriut, duke shtuar se ekspertët duhet të studiojnë fragmentet. Zyrtarët rusë nuk kanë komentuar për këtë çështje ende.

Ukraina tha se rrëzoi 21 nga 29 dronët Shahed të lëshuar vonë të enjten dhe të premten në mëngjes. Sulmi plagosi dy persona, përfshirë një 14-vjeçar. Ky ishte sulmi më i fundit i bombardimeve pothuajse të përditshme me dronë nga Rusia në vitin e ri.

Zoti Zelenskyy falënderoi Gjermaninë të enjten vonë për dërgimin e ndihmave ushtarake, veçanërisht materialeve të mbrojtjes ajrore që ai tha se arritën “në kohën e duhur dhe të nevojshme për prioritetet tona”. 

Ukraina “duhet të vazhdojë të degradojë aftësinë e Rusisë për të bërë luftë duke kryer një fushatë të përshkallëzuar të sulmeve ajrore në objektiva shumë prapa vijës së frontit në të gjithë Ukrainën e pushtuar dhe brenda vetë Rusisë”, sipas Mykola Bielieskovit, studiues në Institutin Kombëtar të Studimeve Strategjike të Ukrainës.

“Kjo mund të përfshijë sulme ndaj vendeve ku janë përqëndruar trupat ruse, bazave ushtarake dhe depot e municioneve së bashku me qendrat logjistike dhe objektet e prodhimit të armatimit”, shkroi ai në një vlerësim të botuar nga Këshilli Atlantik, një institut amerikan me seli në Uashington.

Edhe në fillim të vitit të ri, konfirmohet ngërçi në luftën në Ukrainë. Nëse për Presidentin Volodymyr Zelensky kundërofensiva nuk ka dhënë rezultatet e dëshiruara, është gjithashtu e vërtetë se ushtria ukrainase ka arritur deri më tani të parandalojë avancimin e agresorit rus. Megjithatë, kjo nuk do të mjaftojë për të fituar luftën. Prandaj nuk është për t'u habitur që përplasja ushtarake shndërrohet në këtë fazë në një betejë strategjish kundërshtare për të ndryshuar ekuilibrin në fushë-betejë dhe për të lejuar një nga dy kombet të depërtojë në vijën e frontit aktualisht të pandryshueshëm. Objektivi i rivendosjes së kufijve kombëtarë nuk ka ndryshuar, por strategjia që Zelensky dëshiron të zbatojë do të ketë Krimenë dhe kontrollin mbi Detin e Zi si qendër të gravitetit të saj. Izolimi i gadishullit të pushtuar nga rusët në 2014 dhe dëmtimi i aftësive ushtarake të Moskës “është jashtëzakonisht i rëndësishëm për ne sepse do të reduktonte numrin e sulmeve të nisura nga ai rajon”, shpjegon presidenti ukrainas. Një sukses në Krime do të ishte një "shembull për botën" dhe do të kishte pasoja edhe brenda Rusisë.

Planet e Zelensky-t

Në fakt, sipas disa statistikave të cituara nga revista “The Economist”, zyrtarët britanikë besojnë se një e pesta e flotës ruse të Detit të Zi është shkatërruar vetëm në katër muajt e fundit. Deklaratat e Zelensky-t vijnë në një moment kritik kur Moska synon të dobësojë frymën e popullsisë ukrainase duke nisur sulme me raketa kundër qyteteve të mëdha, duke përfituar gjithashtu nga ngadalësimi i mbështetjes perëndimore për Kievin. Bombardimet ruse gjithashtu duket se mohojnë thashethemet për gatishmërinë e Putinit për t'i dhënë fund luftës. "Unë shoh vetëm veprimet e një vendi terrorist", komenton lideri i Ukrainës, për të cilin një pauzë në luftime do ta ndihmonte Kremlinin "të rikuperonte forcën e tij". Në çdo rast, për të suksesi i çdo strategjie do të varet nga niveli i mbështetjes së brendshme që do të garantojnë bashkëqytetarët e tij qeverisë së tij dhe nga ndihma ushtarake që do të jetë në gjendje të ofrojë koalicioni perëndimor.

“Tradhtia”

Për të kuptuar se çfarë mendon realisht Cari për ecurinë e konfliktit dhe si synon të riorganizojë një ushtri që ka pësuar humbje të konsiderueshme në luftime, mund të nisemi nga deklaratat e tij të fundit. "Elitat perëndimore u përpoqën të arrijnë shkatërrimin e Rusisë në duart e ukrainasve" dhe tani Moska "është gati për paqe, por sipas kushteve tona" tha më tej lideri rus gjatë një vizite në një spital ushtarak. Analistët në Institutin për Studimin e Luftës besojnë se Putini po e riformulon luftën brenda dhe jashtë vendit si një luftë jo me Ukrainën, por me vendet perëndimore, të konsideruara si "armiqtë" e vërtetë, gjë që do të tregonte se si "nuk ka ndërmend të negociojë në mirëbesim me Kievin dhe në vend të kësaj dëshiron të bindë Perëndimin të tradhtojë ukrainasit në tryezën e bisedimeve".

Llogaritjet e Putinit

Në sfond do të ishte synimi për të hapur negociatat me Uashingtonin dhe aleatët e tjerë të Ukrainës, që do të njohë përfundimisht përkatësinë e vendit të Evropës Lindore në sferën e influencës ruse. Pasojat do të ishin katastrofike nëse koalicioni perëndimor do të pajtohej me kushtet e vendosura nga Kremlini. Për ekspertët, në fakt, çdo dialog që anashkalon Kievin "do ta bënte Putinin të kuptojë se ai mund të imponojë vullnetin e tij mbi të gjitha kombet që ai i konsideron pjesë të sferës së tij të influencës, madje edhe përtej Ukrainës dhe madje edhe Finlandës dhe Moldavisë". Për shumicën e komentuesve, planet e Moskës gjithsesi do të kalibrohen në bazë të dy raundeve zgjedhore: rizgjedhjen e saj, e cila konsiderohet e sigurt, e planifikuar për në mars dhe zgjedhjet presidenciale amerikane në nëntor. Në tre muajt e ardhshëm ka të ngjarë që Cari do të dëshirojë t'i paraqesë vendit të tij disa rezultate konkrete pas një viti 2023 në të cilin ushtria ruse pësoi humbje të mëdha pa pushtuar qytetet e mëdha. Por ai do të presë rezultatin e votimeve në Shtetet e Bashkuara përpara se të vlerësonte hapjen e negociatave.

Kur Rusia e nisi pushtimin e Ukrainës në shkurt 2022, ukrainasit u rreshtuan për t'iu bashkuar forcave të armatosura, në një shpërthim patriotizmi që frymëzoi botën perëndimore dhe sfidoi pritshmërinë e Moskës.

Tani, dy vjet më vonë, midis luftës së tmerrshme nëpër llogore, mungesës së përparimit në fushëbetejë dhe pasi kanë vdekur apo janë plagosur dhjetëra mijëra ushtarë, dëshira e madhe për t’u regjistruar në ushtri është duke u shuar qartazi.

Mungesa e rekrutëve të rinj përbën rrezik të madh për përpjekjet e Ukrainës në luftë kundër Rusisë – e cila e ka një popullsi tri herë më të madhe dhe po vazhdon të thërrasë burra në ushtri, përfshirë të dënuar me burg.

Befasia e Krishtlindjes

Lajmin e plotë lexojeni KETU

Presidenti rus, Vladimir Putin është i sigurtë në postin e tij dhe ndodhet para mandatit të pestë. Ekonomia ruse megjithë sanksionet vazhdon të jetë e stabilizuar, lufta me Ukrainën shumicës së rusëve u duket e largët.

"Detyrat tona rriten si ortek, por ne jemi Rusi, ne jemi vend dimri, ne e duam borën, shikoni sa shumë që ka rënë."

Në mes të dhjetorit Presidenti rus, Vladimir Putin e hodhi plot optimizëm vështrimin në vitin 2024 gjatë kongresit të partisë qeverisëse, "Rusia e Bashkuar" . Zhvillimi më i rëndësishëm politik i vitit 2024 lidhet me zgjedhjet presidenciale në mes të marsit, edhe pse përfundimi i tyre dihet. Putini kandidon për herë të pestë, dhe këtë herë ai nuk ka pse i trembet konkurrencës.

Lajmin e plotë lexojeni KETU

Yevgeny Vasilyevich, i identifikuar si sozia kryesore e presidentit rus Vladimir Putinit, thuhet se i ka mbijetuar një atentati. Sipas kanalit Telegram General SVR, Vasilevich shfaqi një skuqje në këmbë, krahë dhe qafë, për të cilën mjekët fillimisht menduan se ishte një alergji, megjithëse ishte helmim, raporton “Daily Mail”.

Kanali është i njohur për pretendimet e tij në lidhje me shëndetin e Putinit dhe është një nga disa burimet që pretendojnë se Putin ka disa sozi, një teori e mbështetur nga inteligjenca ushtarake ukrainase. Më herët u tha për Vasilyevich se ai është një marangoz shumë i mirë nga Bjellorusia.

Doktor Valery Solovey, një ish-profesor në Akademinë e Moskës për Trajnimin e Spiunëve dhe Diplomatëve, beson se Vasilyevich madje mbajti fjalimin e Putinit për Vitin e Ri. Solovey, i konsideruar nga kritikët si një teoricien konspirativ, pohoi në tetor 2023 se presidenti rus kishte vdekur dhe ishte zëvendësuar nga hajdutë të operuar nga një ish-spiun i shërbimit rus të sigurisë. Mjekët ia nënshtruan testimit të dyshuarin doppelganger dhe kur erdhën rezultatet pozitive, ata kontaktuan urgjentisht kreun e Këshillit të Sigurimit Rus, Nikolai Patrushev.

“Jeta e sozisë nuk ishte në rrezik, doza ishte ndoshta shumë e vogël. Tani po përpiqen të zbulojnë se si helmi ka hyrë në trupin e tij dhe shërbimet e sigurisë kanë nisur hetimet për tentativën e vrasjes së dyshuar”, thotë kanali SVR. Ky profil anonim u shfaq në Telegram në vitin 2020, para pushtimit të Ukrainës, duke pretenduar se drejtohej nga ish-anëtarë dhe aktualë të organeve zyrtare ruse. Që atëherë, ai ka bërë një sërë pretendimesh të pabazuara për Putinin dhe administratën e tij.

Forcat ruse bombarduan pesë komunitete në rajonin Sumy më 4 janar, duke qëlluar 10 herë gjatë ditës, njoftoi Administrata Ushtarake e Rajonit Sumy.

Komunitetet Krasnopillia, Khotin, Velyka Pysarivka, Bilopillia dhe Esman u vunë nën zjarr. Ushtria ruse shënjestroi komunitete të ndryshme me sulme me mortaja dhe artileri, me dronë që hodhën mina edhe në dy vendbanime.

Administrata regjistroi 38 shpërthime gjatë gjithë ditës.

Fshati Velyka Pysarivka, me një popullsi prej rreth 4000 banorësh, përjetoi sulmet më intensive me 21 shpërthime të regjistruara në zonë.

Komuniteti ndodhet vetëm shtatë kilometra në perëndim të kufirit Ukrainë-Rusi.

Granatimet janë një dukuri e përditshme për komunitetet pranë kufirit verilindor të Ukrainës me Rusinë. Banorët në vendbanimet e cenueshme kufitare të rajonit përjetojnë sulme të shumta në ditë.

Rusia ka filluar negociatat me Algjerinë, Arabinë Saudite dhe Emiratet e Bashkuara Arabe (Emiratet e Bashkuara Arabe) për të hapur qendrat kulturore ruse jashtë vendit, me gjasë synojnë rritjen e ndikimit rus në Lindjen e Mesme dhe Afrikën e Veriut, Instituti për Studimin e Luftës (ISW) shkroi Në vlerësimin e tij më 4 janar.

Sipas ISW, përpjekja e Rusisë për të zhvilluar qendra kulturore, të njohura si Qendrat e Shtëpisë së Rusisë, në Algjeri, Arabinë Saudite dhe Emiratet e Bashkuara Arabe janë pjesë e një nisme diplomatike më të gjerë për të ushtruar ndikim rus në rajone të ndryshme të botës.

Detajet në lidhje me statusin aktual të procesit të negociatave me këto vende nuk janë bërë të ditura. Kombet evropiane kanë kritikuar përpjekjet e Rusisë për të përdorur qendrat kulturore për të promovuar propagandën ruse jashtë vendit, me zyrtarët e Ukrainës dhe Moldavisë më parë duke paralajmëruar se zyrtarët rusë përdorin qendrat kulturore ruse për të kryer "punë subversive" jashtë vendit.

Në korrik 2023, autoritetet çeke hapën një hetim mbi një qendër kulturore ruse në Pragë të njohur për promovimin e një broshurë me tema anti-ukrainase të përkthyera në Czecheke, duke përmendur shkelje të mundshme të sanksioneve.

Në vitin 2022, qendra kulturore dyshohet se publikoi një dokument të përkthyer që promovonte propagandën ruse të luftës. ISW vëren, duke cituar raportet e mediave të kontrolluara nga shteti rus, se negociata të ngjashme po vazhdojnë me vende të tjera të pazbuluara.

Raportet e mëparshme të mediave shtetërore të Rusisë tregojnë se Rusia është gjithashtu në negociata për të hapur qendra shtesë kulturore në Brazil, Afrikën e Jugut, Angola dhe Mali deri në vitin 2025.

Rusia aktualisht operon më shumë se 80 qendra të shtëpive ruse në të gjithë Evropën, Afrikën dhe Azinë Qendrore dhe Juglindore nën maskën e promovimit të kulturës ruse jashtë vendit dhe ruajtjes së vendeve historike jashtë vendit me rëndësi për Rusinë.