LIVE: Vazhdojnë sulmet, Ukraina ndryshon strategji - lufta mbërrin në “oborrin” e Putinit

Ndërsa lufta në Ukrainë rrezikon të bjerë në harresë, e lënë në hije nga tensionet e Lindjes së Mesme, Kievi po përpiqet të ndryshojë strategjinë e tij, në vend dhe në Rusi, me taktika tipike guerile.

Muajt e fundit, janë raportuar vazhdimisht inkursione ukrainase në territorin rus. Shkëmbimi më i madh i të burgosurve të luftës që nga fillimi i luftës Rusi-Ukrainë u zhvillua të mërkurën, duke nxitur shpresat se shkëmbimet e të burgosurve do të vazhdojnë pasi ato ngecën verën e kaluar.

Po ashtu, Ministri i Jashtëm i Ukrainës Dmytro Kuleba tha se nuk ka “plan B” për Ukrainën, duke shtuar se Kievi ka besim se mund ta fitojë luftën kundër Rusisë me burimet ushtarake që ka në dispozicion.

Ndaj, në këtë kontekst është e kuptueshme përpjekja e Ukrainës për të “futur” luftën në Rusi, në “oborrin” e Vladimir Putin.

Melitopoli në pikëpyetje

Ditën e djeshme erdhi lajmi se policia së bashku me FSB-në ruse kishin arrestuar një shtetas ukrainas 31-vjeçar në Melitopol, që kujtojmë se ishte i pushtuar që nga marsi i vitit 2022 i cili po përgatitej të kryente një sulm kundër një oficeri policie.

Sipas raporteve të Tass, burri ishte në kontakt me inteligjencën e Kievit" për të kryer sabotazhe dhe akte terroriste në qytetin e Melitopol".

Kievi nuk e komentoi apo mohoi lajmin e arrestimit, as Moska nuk dha detaje të mëtejshme mbi profilin e personit të arrestuar. Një endacak? Një njeri i  Kievit? Apo një nga njerëzit e shumtë në galaktikën guerile anti-Putin? Për më tepër, Melitopol ka përjetuar edhe operacione të rëndësishme sabotazhi , si ai i një treni të blinduar rus, por edhe sulme kundër forcave ruse, si vrasja e një oficeri të lartë rus majin e kaluar.

Belgorodi nën sulm

Ditët e fundit, sabotimi ukrainas në territorin rus kishte fituar fuqi të re: vetëm pardje sistemet ruse të mbrojtjes ajrore shkatërruan katër sisteme raketash të shumëfishta Vilkha të lëshuara nga Ukraina në rajonin e Belgorodit, objektiv i inkursioneve që nga maji i kaluar.

Ministria ruse e Mbrojtjes e njoftoi këtë në një deklaratë të shkurtër: "Më 2 janar të këtij viti, rreth orës 12 të mesditës, një përpjekje e regjimit të Kievit për të kryer një sulm terrorist kundër objektivave në territorin e Federatës Ruse duke përdorur sistemin e raketave të shumëfishta Vilkha.

Katër raketa u shkatërruan mbi rajonin e Belgorodit nga sistemet e mbrojtjes ajrore në shërbim." Lajmi, i raportuar menjëherë nga Ria Novosti, ishte në kontrast me sulmet e reja ruse në Kiev në të njëjtën ditë. Raketat ranë në disa rrethe të kryeqytetit, duke shkaktuar ndërprerje të ujit dhe energjisë elektrike.

Guvernatori i rajonit rus, në kufirin me Ukrainën, i goditur nga sulmet gjithnjë e më intensive nga Kievi, sugjeroi që banorët e kryeqytetit rajonal të evakuoheshin. "Nga sot jemi gati t'ju transportojmë në Stary Oskol dhe Gubkin (lokacionet më të largëta nga kufiri), ku do të gjendeni në kushte komode, në dhoma të ngrohta dhe të sigurta", tha Vyacheslav Gladkov në Telegram.

Zona e Belgorodit mbetet nën sulm për arsye të ndryshme, para së gjithash për afërsinë gjeografike midis dy forcave kundërshtare, e cila kishte lejuar "partizanët anti-Putin", të kryenin një lloj kundërpushtimi episodik. 

Lufta guerile

Sabotimi i Kievit thuhet se po bëhet gjithnjë e më i rafinuar, me synimin jo vetëm për të nisur një luftë psikologjike, si në rastin e dronëve të lëshuar mbi Moskë, por edhe për të goditur linjat strategjike të furnizimit për Rusinë.

Në fakt, më 29 nëntor të kaluar, disa diversantë ukrainas arritën të vendosnin katër eksplozivë në një kolonë mallrash që transportonte karburant në Lindjen e Largët Ruse.

Qëllimi i vërtetë? Jo ngarkesa e madhe e autokolonës, por një tunel hekurudhor me rëndësi thelbësore për armët që vijnë nga aleati i saj Koreja e Veriut. Vetëm dy ditë pas sabotimit, një tjetër shpërthim ndodhi jo shumë larg tunelit të prekur: në këtë drejtim, beteja për të vërtetën për shkallën e dëmit është ende në vazhdim, gjë që megjithatë konfirmon zgjedhjen përfundimtare të Kievit për të zgjedhur tani luftën guerile në në mes të një konflikti që është kthyer në një moçal të madh për të dy frontet.

Zyra e Prokurorit në rajonin ukrainas të Harkivit ka paraqitur dëshmi të reja më 6 janar, lidhur me pretendimin se Rusia ka sulmuar Ukrainën me raketa të siguruara nga Koreja e Veriut.

Ky institucion ka paraqitur fragmente të raketave.

Një këshilltar i lartë i presidentit ukrainas, Volodymyr Zelensky, një ditë më parë deklaroi se Rusia gjatë kësaj jave sulmoi Ukrainën me raketa të siguruara nga Koreja e Veriut. Sipas tij, kjo ishte hera e parë që nga nisja e pushtimit rus të Ukrainës shkurtin e vitit 2022, që Moska përdori raketa të Koresë së Veriut për të sulmuar shtetin fqinj.

Dmytro Chubenko, zëdhënës i Zyrës së Prokurorit të Harkiv, tha se raketa, që ishte një prej disa që goditën qytetin e Harkivit më 2 janar, në aspektin teknik dhe në pamje ishte e ndryshme nga raketat e modeleve ruse.

“Metoda e prodhimit [të këtyre raketave] nuk është shumë moderne. Ka devijime nga raketat standarde [ruse] Iskander, që më herët janë parë duke u përdorur në sulmet në Harkiv. Kjo raektë është e ngjashme me një prej raketave të Koresë së Veriut”, tha Chubenko para mediave, teksa shfaqi copëza të raketës.

Ai tha se raketa ishte paksa më e madhe në diametër sesa raketa ruse Iskander, ndërkaq edhe pjesë të tjera të saj janë të ndryshme nga raketat ruse.

“Prandaj, ne po anojmë më shumë kah versioni se kjo mund të jetë raketë që mund të jetë marrë nga Koreja e Veriut”.

Chubenko nuk pranoi të tregonte modelin e saktë të raketës.

Rusia sulmoi me disa raketa Harkivin gjatë javës, duke vrarë dy persona dhe duke plagosur mbi 60 të tjerë.

Më 4 janar, Shtëpia e Bardhë tha se Rusia ka sulmuar Ukrainën me disa raketa balistike të prodhuara nga Koreja e Veriut, por nuk specifikoi konkretisht se çfarë lloji raketash kishte dërguar Peniani në Rusi.

Koreja e Veriut është nën embargo të armëve nga Kombet e Bashkuara që kur ajo kreu testimin e parë të një bombe bërthamore më 2006.

Sipas rezolutave të Këshillit të Sigurimit të OKB-së – që janë miratuar me mbështetjen e Rusisë – shteteve u ndalohet që të bëjnë tregti të armëve apo të pajisjeve të tjera ushtarake me Korenë e Veriut.

Të paktën 11 vetë u vranë të shtunën nga sulmet e Rusisë në provincën e Donetskut në Ukrainë, tha guvernatori rajonal Vadym Filashkin. Pesë fëmijë janë në mesin e viktimave dhe tetë persona të tjerë u plagosën në sulmin në distriktin Pekrovski.

Ndërkohë Ukraina njoftoi se ka sulmuar me sukses bazën ajrore ruse në perëndim të gadishullit të Krimesë, të pushtuar nga Rusia.

“Të gjitha objektivat në aeroportin Saki janë goditur”, thuhet në një postim në Telegram të komandantit të forcave ajrore Mykola Oleshchuk. Ai gjithashtu publikoi një foto në të cilët duket baza ajrore, por kjo nuk ishte menjëherë e mundur të vërtetohej.

Zyrtarët rusë nuk komentuan menjëherë për sulmin, por ministria ruse e mbrojtjes tha se në orët e para të së shtunës kishte rrëzuar katër raketa ukrainase. Më vonë të shtunën, ministria ruse njoftoi se mbrojtja e saj ajrore rrëzoi gjashtë raketa kundër anijeve mbi Detin e Zi.

Trafiku u pezullua përkohësisht në ditën e tretë radhazi mbi urën që lidh gadishullin e Krimesë, të cilin Moska e mori në mënyrë të paligjshme në vitin 2014, së bashku me rajonin jugor të Krasnodarit. Këto rajone janë të rëndësishme për furnizimin e trupave ruse në luftën në Ukrainë.

Zyrtarët e qytetit rus të Belgorodit, rreth 40 kilometra larg kufirit me Ukrainën, thanë se katër një raketë ukrainase u rrëzua ndërsa ajo po lëvizte në drejtim të qytetit. Rreth 25 njerëz humbën jetën në sulmet ukrainase të 30 dhjetorit në Belgorod, thanë zyrtarët. Sipas tyre sulmet me raketa dhe dronë ndaj qytetit kanë vazhduar gjatë gjithë javës.

Ndërsa rusët përgatiten të festojnë krishtlindjet ortodokse, në Belgorod janë anuluar të gjitha planet për festime, tha kryetari i bashkisë së qytetit, Valentin Deimdov./VOA

Forcat Ajrore ukrainase thanë më 6 janar se kanë shkatërruar një qendër komanduese ruse në bazën ajrore Saki, në Gadishullin e pushtuar të Krimesë.

Sulmet, sipas Forcave Ajrore, u kryen gjatë natës.

“Të gjitha caqet janë shkatërruar”, tha komandanti i Forcave Ajrore, Mykola Oleshchuk, përmes një postimi në Telegram, duke shtuar se Rusia humbi “edhe një qendër komanduese në Krime”.

Ky pretendim i Ukrainës vjen një ditë pasi Kievi tha se ka kryer një sulm në një qendër komanduese ushtarake ruse dhe në një njësi ushtarake në Krime, duke shkaktuar “dëme serioze” në sistemin mbrojtës të Rusisë.

Nataliya Humenyuk, zëdhënëse e Forcave Jugore Mbrojtëse të Ukrainës, tha më 5 janar se operacione “jashtëzakonisht të fuqishme luftarake” kanë ndodhur më herët gjatë kësaj jave, duke goditur fuqishëm ushtrinë ruse në Krime.

Rusia më 6 janar pretendoi se forcat e saj rrëzuan katër raketa ukrainase gjatë natës në Krime.

Këto raportime nuk mund të verifikohen në mënyrë të pavarur.

Që kur Moska nisi pushtimin brutal të Ukrainës shkurtin e vitit 2022, forcat ukrainase shpesh kanë kryer sulme ndaj caqeve ushtarake ruse në Krime, gadishull që u aneksua ilegalisht nga Rusia në vitin 2014.

Baza ajrore Saki u bë kryelajm në shtatorin e vitit 2023, pasi Ukraina tha se ushtria e saj kishte goditur bazën, duke shkaktuar “dëme serioze” të pajisjeve që gjendeshin në bazë. Por, zyrtarët e instaluar nga Moska në Krime mohuan këto pretendime të Kievit.

Gushtin e vitit 2022 baza ishte cak i sulmeve ajrore ukrainase, me Kievin që pretendoi se kishte shkatërruar të paktën nëntë avionë ushtarakë, përfshirë edhe avionët luftarakë të llojeve Su-30SM dhe Su-24M.

Si Ukraina, ashtu edhe Rusia ditëve të fundit kanë përshkallëzuar sulmet, përderisa lufta po i afrohet përvjetorit të dytë./REL

Rusia ka filluar përdorimin e raketave balistike të furnizuara nga Koreja e Veriut për të sulmuar Ukrainën, kanë pretenduar Uashingtoni dhe Kievi, në një tregues se Moska planifikon të zgjerojë më tej marrëveshjet e saj të armëve me regjimet nën sanksione, në mënyrë që të mbështesë përpjekjet e saj të luftës.

Uashingtoni gjithashtu pretendoi se Rusia ishte në bisedime me Iranin për të blerë raketa balistike me rreze të shkurtër veprimi.

Vlerësimi i inteligjencës amerikane është se raketat iraniane nuk kanë mbërritur ende në Rusi, por se marrëveshja përfundimisht do të arrihet.

Raportet e SHBA u miratuan nga disa zyrtarë ukrainas, duke përfshirë një këshilltar të administratës së Volodymyr Zelenskiy, i cili tha se marrëveshjet ruse të armëve me Phenianin dhe Teheranin e bënë vendin pjesë të një “boshti të ri të së keqes të shekullit [21]”.

Pushtimi i plotë i Ukrainës nga Rusia ka ngadalësuar rritjen ekonomike në mbarë botën, veçanërisht në BE, i tha një zyrtar i Kombeve të Bashkuara një gazetari nga gazeta ukrainase Ukrinform më 5 janar.

Hamid Rashid, shefi i Degës së Monitorimit Ekonomik Global të OKB-së (GEMB), tha se për shkak të luftës së Rusisë, perspektivat ekonomike të BE-së për vitin 2024 ishin "mjaft të zymta".

Rashid drejtoi ekipin e shkrimit për raportin e Situatës Ekonomike Botërore dhe Perspektivat 2024, të cilin OKB e publikoi më 4 janar.

Rashid tha se PBB-ja e BE-së u rrit me vetëm 0.6% vitin e kaluar dhe se vitin e ardhshëm norma e pritshme e rritjes është 1.2%. "Kjo është një normë shumë, shumë modeste e rritjes për rajonin," tha Rashid. Ai tha se rritja e ngadalësuar ishte një "ndikim i drejtpërdrejtë" i luftës së Rusisë dhe se Evropa do të përballet me "shumë sfida në të ardhmen për shkak të luftës".

Rashid tha gjithashtu se situata ekonomike e Gjermanisë në vitin 2023 përbënte një "recesion teknik".

Ministrja e Ekonomisë Yulia Svyrydenko tha më 28 dhjetor se pavarësisht vështirësive të luftës, ekonomia e vendit pa rritje pozitive në 2023. Ajo gjithashtu raportoi se eksportet e Ukrainës parashikohen të rriten me 9% në 2024.

Zyrtarët nga Fondi Monetar Ndërkombëtar (FMN) në nëntor 2023 vlerësuan ekonominë ukrainase për "rezistencën e saj të jashtëzakonshme", por pranuan se situata mbetet e pasigurt për sa kohë që lufta zvarritet.

Njësitë ruse të mbrojtjes ajrore kapën katër raketa të drejtuara që fluturonin mbi Krimenë e pushtuar më 6 janar, pretendoi Ministria ruse e Mbrojtjes.

Ministria pretendoi se Ukraina nisi katër raketa në gadishullin e okupuar rus menjëherë pas mesnatës me kohën lokale, dhe se të gjitha objektivat u rrëzuan.

Më parë, mediat lokale raportuan shpërthime në Krime të okupuar natën e 5 janarit.

Banorët thanë se dëgjuan deri në 10 shpërthime pranë qytetit të Yevpatoria. Autoritetet okupuese thuhet gjithashtu se mbyllën trafikun në urën e Krimesë. Ministria ruse e Mbrojtjes nuk dha detaje rreth dëmeve apo viktimave që rezultuan nga sulmi raketor.

Forcat ukrainase raportuan se kishin goditur magazinat ruse të municionit në fshatin Pervomaiske të Krimesë më 4 janar. Në muajt e fundit, Ukraina ka rritur sulmet e saj kundër objektivave në Krime të okupuar ruse në përpjekje për të prishur logjistikën ruse dhe për të prishur mbrojtjen e tyre jugore.

Rusia ka filluar të largojë banorët nga Belgorod pas sulmit të 30 dhjetorit në qytet, pohoi më 5 janar guvernatori i Oblastit të Belgorodit, Vyacheslav Gladkov.

Një sulm i 30 dhjetorit në Belgorod, i cili shtrihet rreth 40 kilometra nga kufiri ukrainas, thuhet se vrau 25 njerëz dhe plagosi mbi 100.

Ukraina nuk ka marrë përgjegjësinë për sulmin, i cili erdhi një ditë pasi Rusia nisi një sulm masiv ajror kundër Kievit. Gladkov tha se banorët e Belgorodit po postonin lutje për ndihmë zhvendosjeje në mediat sociale.

“Unë shoh disa apele në mediat sociale ku njerëzit shkruajnë: “Ne jemi të frikësuar, na ndihmoni të shkojmë në një vend të sigurt”.

Sigurisht që do ta bëjmë! Tashmë kemi shpërngulur disa familje”, pohoi Gladkov. Gladkov tha se banorët që kërkojnë zhvendosje do të transportohen në qytetet Stary Oskol dhe Gubkin, ku mund të qëndrojnë për aq kohë sa dëshirojnë "në dhoma të ngrohta dhe të sigurta". Ai tha gjithashtu se qendrat e akomodimit brenda Belgorod Oblast nuk do të kenë kapacitetin për të mbajtur të gjithë banorët që kërkojnë zhvendosje dhe se ai do të kontaktojë guvernatorët në rajone të tjera për ndihmë. Rusia lëshoi ​​një numër të paprecedentë dronësh dhe raketash në qytetet kryesore të Ukrainës në një seri sulmesh midis 29 dhjetorit dhe 2 janarit. Sulmet vranë 39 njerëz dhe lanë mbi 160 të tjerë të plagosur.

Disa media ukrainase raportuan se forcat ukrainase goditën objektet ushtarake në Belgorod më 30 dhjetor në përgjigje të sulmeve.

Raportet cituan burime anonime në shërbimet speciale të Ukrainës, të cilët thanë se mbeturinat nga municionet kundërajrore ranë në qendër të qytetit Belgorod "për shkak të veprimeve joprofesionale të mbrojtjes ajrore ruse".

Kyiv Independent nuk mundi të verifikonte në mënyrë të pavarur këto pretendime, as pretendimet e zyrtarëve rusë për shkallën e dëmeve dhe viktimave në Belgorod. Një përfaqësues i Ministrisë së Jashtme franceze tha më 3 janar se Rusia "mbart përgjegjësinë e plotë" për viktimat e sulmit në Belgorod.

"Rusia mund t'i japë fund këtij konflikti dhe tragjedive njerëzore që e shoqërojnë atë, për të cilat ajo mban përgjegjësi të plotë," tha zyrtari.

Gjatë një takimi urgjent të Këshillit të Sigurimit të OKB-së të mbajtur më 31 dhjetor, zyrtari amerikan John Kelley tha se "civilët e zakonshëm rusë po mbajnë gjithashtu peshën kryesore të luftës brutale të Kremlinit".

Forcat ruse bombarduan katër komunitete pranë kufirit të rajonit Sumy më 5 janar, njoftoi administrata ushtarake rajonale.

Gjithsej 52 shpërthime u regjistruan gjatë gjithë ditës.

 Trupat ruse qëlluan në kufi nëntë herë, duke synuar komunitetet Velyka Pysarivka, Shalyhyne, Svesa dhe Bilopillia. Nuk raportohet për viktima apo dëme në infrastrukturën civile.

Ushtria ruse sulmoi kufirin Sumy me armë të ndryshme, duke përfshirë mina, mortaja, artileri topash dhe granatahedhës. Rajoni Sumy shtrihet në kufirin verilindor të Ukrainës me Rusinë.

Komunitetet kufitare janë subjekt i bombardimeve të përditshme nga forcat ruse të afërta, të cilat kanë nisur sulme në rajonin e Sumy-t në baza të vazhdueshme që nga prilli 2022.