Ekonomia gjermane u tkurr me 0.3 për qind në tremujorin e katërt të vitit të kaluar, krahasuar me periudhën korrik-shtator, duke përmbushur konsensusin e tregut, sipas vlerësimeve paraprake të publikuara të martën, raporton Anadolu.
Ekonomia e Gjermanisë ka shmangur recesionin sipas shifrave të rishikuara më sipër, të cilat tregojnë se vendi pati rritje të Prodhimit të Brendshëm Bruto (PBB) me 0 për qind në tremujorin e tretë të 2023.
Tkurrja në tetor u parapri nga rënia e dukshme e formimit të kapitalit fiks bruto në ndërtim dhe në makineri dhe pajisje, sipas autoritetit statistikor të vendit Destatis.
Në bazë vjetore, ekonomia më e madhe e Evropës u tkurr me 0.2 për qind në tremujorin e fundit të 2023, mbi vlerësimet e ekonomistëve për një rënie prej 0.1 për qind.
PBB-ja e Gjermanisë shënoi rënie me 0.3 për qind krahasuar me një vit më parë gjatë vitit 2023, në përputhje me vlerësimet shumë të hershme.
