LIVE: ‘Putini është një vrasës’, reagime të ashpra pas funeralit të Navalnyt – Peskov vjen me deklaratën e radhës!

Situata është kritike. Ukraina duhet t'i rezistojë kundërvajtjes së Rusisë, por për ta bërë këtë, ajo ka nevojë për mbështetje të mëtejshme të jashtme. Problemi më i madh është se Shtetet e Bashkuara dhe Bashkimi Evropian, mbështetësit kryesorë të Kievit, po përballen me dy probleme të rëndësishme.

Ndërsa ndihma ushtarake në SHBA është e bllokuar në Kongres, BE-ja është pothuajse pa furnizime dhe thuhet se po kërkon në botë për municion artilerie për t'i dërguar forcave ukrainase. Gjermania , për shembull, do të ishte e zënë me kryerjen e negociatave sekrete me Indinë, e cila ka furnizime masive luftarake në dispozicion, pikërisht për blerjen e disa qindra mijëra predhave të artilerisë për t'ua dërguar njerëzve të Volodymyr Zelensky.

Marrëveshje të ngjashme, thonë disa burime institucionale në Berlin, mund të jenë të mundshme edhe me vendet arabe dhe afrikane, madje edhe me disa shtete ballkanike.

Nëse e përjavshmja gjermane Der Spiegel ktheu në qendër të vëmendjes situatën e veçantë të Indisë, gazeta ruse Pravda foli për bisedime sekrete midis Gjermanisë dhe Indisë. Me sa duket Nju Delhi mund të llogarisë në furnizime të mëdha ushtarake, por nuk do t'i shesë hapur ato për të mbështetur në mënyrë indirekte Ukrainën, pasi qeveria e udhëhequr nga Narendra Modi ende ruan marrëdhënie miqësore me Rusinë.

Si rezultat negociatat thuhet se po vazhdojnë për mundësinë e marrjes së municioneve përmes ndërmjetësve. Duket se në një takim jozyrtar të fundit të diplomatëve dhe zyrtarëve evropianë në Berlin, propozimi për t'iu drejtuar vendeve jo-evropiane u paraqit dhe u konsiderua i besueshëm për të forcuar rezervat e municionit ukrainas.

Shtetet e Bashkuara të Amerikës raportuan se nuk kanë parë ndonjë shenjë se Rusia është duke u përgatitur për ta përdorur ndonjë armë bërthamore dhe do të vazhdojnë ta vëzhgojnë atë me kujdes.

Zëdhënësi i Departamentit të Shtetit, Matthew Miller, e bëri këtë deklaratë pasi presidenti Vladimir Putin gjatë ditës së sotme u shpreh se Moska ka armë për t’i goditur caqet në Perëndim.

“Kjo nuk është hera e parë që dëgjojmë retorikë të papërgjegjshme nga Vladimir Putin. Kjo nuk është mënyra se si duhet të flasë lideri i një shteti të armatosur me armë bërthamore”, tha ai.

Duke folur mëngjesin e së enjten gjatë një fjalimi para kombit në Moskë, lideri rus u shpreh se vendet e Perëndimit rrezikojnë nxitjen e një lufte bërthamore, nëse dërgojnë trupa për të luftuar në Ukrainë.

“Ne gjithashtu kemi armë me të cilat mund t’i godasin caqet në territorin e tyre”, tha Putin. “A nuk e kuptojnë këtë ata? Perëndimi duhet “patjetër, në fund, ta kuptojë se e gjithë kjo rrezikon nxitjen e një konflikti me përdorimin e armëve bërthamore, dhe si përfundim shkatërrimin e qytetërimit. Ne e mbajmë mend fatin e atyre të cilët dikur dërguan kontingjentet e tyre në territorin e vendit tonë. Por, pasojat e ndërhyrjeve të mundshme do të jenë shumë më tragjike tani”, tha ai.