Profesori i shkencave politike dhe njohësi i zhvillimeve në rajonin e Ballkanit, profesori Florian Bieber ka shkruar se Marko Gjuriq do të jetë kryeministri i ri i Serbisë.
“Marko Gjuriq, supozoj, është kryeministri i ri i Serbisë” ka shkruar Bieber.
Këtë koment Bieber e ka bërë në platformën X ku ka shpërndarë lajmin se Ana Bërnabiq s’do të jetë më kryeministrie.
Ndryshe gjatë ditës Presidenti i Serbisë Aleksandar Vuçiq ka thënë se kryeministrja e deritashme e Serbisë Ana Bërnabiq nuk do të jetë më në këtë post.
Sipas tij, Bërnabiq do të jetë kryetare e re e Parlamentit të Serbisë.
Ai tha gjithashtu se mandatari për formimin e qeverisë së re do të caktohet brenda 7- 10 ditësh.
Duke folur për Ana Brnabiqin, Vuçiq theksoi se ajo është surpriza më e madhe në politikën serbe për të.
“Ana Brnabiq është surpriza ime më pozitive, ajo bëri më së shumti përparim, luftoi aq fort dhe guximshëm”, tha presidenti i Serbisë.
Ndryshe, Presidenti i Serbisë gjatë shkurtit kishte deklaruar se Marko Gjuriq deri më tani ambasador i Serbisë në SHBA po kthehet në vendin e tij ku do të marrë një nga pozitat më të rëndësishme ne shtet.
