Ministri i Jashtëm italian, Antonio Tajani, thotë se vendi i tij është i hapur ndaj sanksioneve të reja për individët e përfshirë në veprime kundër Izraelit.
“Nëse ne kemi nevojë të kemi më shumë sanksione për njerëzit e angazhuar qartësisht kundër Izraelit, duke mbështetur për shembull terrorizmin, duke mbështetur Hamasin, është e mundur ta bëjmë këtë”, tha Tajani për agjencinë e lajmeve Reuters.
Por ai shton se vendet e G7-së si Kanadaja, Franca, Gjermania, Italia, Japonia, SHBA dhe Britania e Madhe – do të duhet të jenë “shumë seriozë dhe të punojnë të gjithë së bashku”.
Vërejtjet e tij pasojnë një telefonatë në internet me udhëheqësit e G7 të dielën, të cilët u takuan për të ritheksuar mbështetjen e tyre ndaj Izraelit pasi Irani lëshoi më shumë se 300 predha në Izrael një ditë më parë, shkruan BBC.
