Në javët e ardhshme, qeveria çeke do të miratojë marrëveshjen për bashkimin me prokurimin e përbashkët të tankeve Leopard 2A8, tha ministrja e Mbrojtjes Jana Çernochová.
Republika Çeke po negocion me Gjermaninë për t’u bashkuar në një tender për të blerë 77 tanke.
Sipas Černochová, marrëveshja është një hap i ndërmjetëm drejt përfundimit aktual të kontratës së blerjes, e cila mund të nënshkruhet deri në fund të këtij viti.
Sipas ministres, çmimi për tanket duhet të jetë i ngjashëm me atë të mjeteve luftarake CV90, për të cilat Republika Çeke do të paguajë 59.7 miliardë korona (rreth 2.64 miliardë dollarë).
Në dy vitet e fundit, Gjermania i dhuroi Republikës Çeke 14 tanke Leopard 2A4 dhe një automjet rikuperimi për të ndihmuar Ukrainën. Në shkurt 2024, Černochová informoi qeverinë për mundësinë e një donacioni tjetër me të njëjtën përmbajtje.
