Hetuesit gjermanë kanë zbuluar një sasi rekord kokaine me vlerë miliarda euro, njoftuan autoritetet të premten.
Zyra Shtetërore e Hetimit Kriminal të Baden-Württemberg, Zyra e Hetimit Doganor në Shtutgart dhe Prokuroria e Dyseldorfit njoftuan se dhjetëra tonë kokainë janë nxjerrë nga qarkullimi.
“Dhjetëra tonë kokainë me vlerë disa miliardë euro janë nxjerrë nga qarkullimi”, thuhet në njoftimin nga Zyra Shtetërore e Hetimit Kriminal të Baden-Württemberg dhe Zyra e Hetimit Doganor në Shtutgart, si dhe zyra e prokurorit publik të Dyseldorfit, raporton DW.
Kjo është një nga kapjet më të mëdha të kokainës në Gjermani.
Kontrollet e kryera në disa shtete federale si North Rhine-Westphalia, Bavaria, Berlin, Brandenburg, Hamburg, Hesse dhe Saksonia e Ulët çuan në lëshimin e shtatë urdhërarresteve.
Porti i Hamburgut, një pikë kryesore për hyrjen e kokainës në Evropë, është porti më i madh detar në Gjermani dhe i treti më i madh në Evropë, me mbi 23,000 kontejnerë që kalojnë çdo ditë.
Muajin e kaluar, policia në Hildesheim zbuloi 190 kilogramë kokainë të fshehur në arkat e bananeve nga Kolumbia, të importuara përmes Hamburgut.
Në shkurt, Britania raportoi se kishte sekuestruar 5.7 tonë kokainë në Southampton, droga ishte rrugës për në Hamburg.
