Katër persona u vranë dhe shumë të tjerë u plagosën si pasojë e një shpërthimi të gazit në një restorant në Turqinë perëndimore, thanë autoritetet lokale.
“Katër qytetarë tanë humbën jetën, një numër i madh u plagosën dhe disa prej tyre janë në gjendje shumë të rëndë”, tha Sulejman Elban, guvernator i provincës së Izmirit.
Numri prej katër të vdekurve u konfirmua nga kryebashkiaku i Torbalit, qyteti ku ndodhi shpërthimi.
Ai ka shtuar se rreth 20 persona kanë mbetur të plagosur, disa prej tyre në gjendje të rëndë.
