Kievi ratifikoi Statutin e Romës të Gjykatës Ndërkombëtare të Drejtësisë, duke hapur mundësinë e ardhshme për të nisur më shumë ndjekje penale ndaj zyrtarëve rusë për krime lufte.
Parlamenti i Ukrainës votoi të mërkurën për të ratifikuar statutin e GjND-së. Anëtarësimi i GjND-së është një kërkesë për t’u bashkuar me BE-në, gjë që Ukraina shpreson ta bëjë.
Kievi u pranua zyrtarisht si kandidat në qershor 2022. Dokumenti u nënshkrua fillimisht mbi dy dekada më parë nga qeveria ukrainase, në vitin 2000, por Gjykata Kushtetuese e bllokoi ratifikimin, duke thënë se ishte jokushtetuese.
Shumë ukrainas kishin frikë se ratifikimi i tij mund t’i lejonte GjND-së të ndiqte penalisht qytetarët ukrainas që kishin marrë pjesë në konflikt në territorin e tyre.
Për të menaxhuar shqetësime të tilla, legjislacioni përmban një klauzolë që thotë se Ukraina nuk do të njohë juridiksionin e GjND-së në rastet kur krimet mund të jenë kryer nga shtetas ukrainas.
Në vitin 2023, GJPN-ja lëshoi urdhërarrest për presidentin rus Vladimir Putin dhe komisioneren presidenciale të Rusisë për të drejtat e fëmijëve, Maria Lvova-Belova, mbi akuzat për krime lufte, shkruan Skynews
