Presidenti ukrainas Volodymyr Zelensky ka shkarkuar komandantin e Forcave Ajrore Mykola Oleschuk dje, një ditë pasi u njoftua se një nga avionët luftarakë amerikanë F-16 të dorëzuar në Kiev ishte rrëzuar.
Si pasojë e rrëzimit të avionit, mbeti i vrarë edhe piloti.
“Vendosa të zëvendësoj komandantin e Forcave Ajrore të Forcave të Armatosura të Ukrainës,” tha Zelensky në një postim në rrjete sociale.
Presidenti ukrainas nuk specifikoi arsyet e largimit të Oleschuk.
Ai nënvizoi se stafi duhet të mbrohet dhe se është e nevojshme të forcohet administrata.
