Erërat e forta kanë ndezur zjarre të shkaktuara nga linjat e rrëzuara të energjisë dhe pakujdesia në vendbanime të shumta në të gjithë rajonin jugor të Rostovit të Rusisë, ka njoftuar guvernatori Vasily Golubev.
Që nga fillimi i ditës, autoritetet kanë regjistruar më shumë se 50 zjarre, me 30 të mbetura aktive.
Bëhet e ditur se disa zjarre u përhapën në zona të banuara, duke shkaktuar evakuime të kufizuara, shkruan Reuters, përcjell Telegrafi.
Më shumë se 2,000 zjarrfikës dhe rreth 300 pajisje u angazhuan në përpjekjet për të vënë nën kontroll flakët.
Ndryshe, rajoni i Rostovit, një zonë kyçe bujqësore, kontribuoi me më shumë se 11% të të korrave totale të grurit të Rusisë vitin e kaluar.
Megjithatë, Rostovi u përball me ngricat e hershme të pranverës dhe thatësirën pasuese në vitin 2024, duke çuar në një rënie të parashikuar prej 30% në të korrat e këtij viti në krahasim me vitin 2023
