Rreth 60 për qind e pjesëve të huaja të gjetura në armët ruse në fushën e betejës në Ukrainë vijnë nëpërmjet Kinës, u tha gazetarëve të martën këshilltari presidencial i Ukrainës, Vladyslav Vlasiuk.
“Nëse merrni të gjitha llojet e zakonshme të armëve dhe numëroni komponentët e prodhuar nga jashtë – rreth 60 për qind do të vinin nga Kina. Ne kemi pasur diskutime të gjata me disa prodhues për këtë”, tha Vlasiuk.
Ai shtoi se “PRC (Kina) është problemi më i madh që unë do të thoja.”
Vlasiuk tha se pjesët e rëndësishme të përdorura në vëzhgim, dron dhe raketa kanë origjinën gjithashtu nga Shtetet e Bashkuara, Holanda, Japonia dhe Zvicra, mes vendeve të tjera perëndimore.
Rusia filloi një pushtim në shkallë të plotë të Ukrainës në vitin 2022 dhe pavarësisht sanksioneve gjithëpërfshirëse perëndimore, Moska ka qenë në gjendje të plotësojë makinën e saj ushtarake me mikroçipe dhe gjysmëpërçues perëndimorë.
