Në këtë kalendar mund të shihni Presidentin Vladimir Putin në shesh patinazhi, hokej mbi akull, në një motoçikletë dhe jashtë në natyrë, kurse fotografitë shoqërohen me citate të Putinit.
Pushtimi i Ukrainës nuk përmendet fare, por shumë prej citimeve nënkuptojnë se vendi është në konflikt:
“Ne jemi një komb fitimtar”!
“Kjo është në gjenet tona”!
“Ne po ndërtojmë një të ardhme pa na thënë se si, të tjerët”!
“Rusia nuk ka frikë nga askush”!
Putini dëshiron të shfaqet si një person aktiv, rinor dhe sportiv, i cili bën xhudo, luan hokej mbi akull, shkon për gjueti, peshkon, kalëron një kalë pa këmishë dhe udhëton në vende ekzotike.
Kalendarët thonë diçka për statusin e Putinit në Rusi, por ndoshta edhe diçka për shoqërinë ruse!
Për një norvegjez, projekti i kalendarit rus mund të duket pa dyshim si i modës së vjetër dhe disi parodik. Krerët e shteteve perëndimore vështirë se do ta lejonin veten të portretizoheshin në këtë mënyrë. As nuk ka gjasa që të gjithë në Rusi të dëshirojnë të kenë një kalendar të Putinit në murin e kuzhinës. Por një imazh i tillë është ndoshta më i zakonshëm në shtetet autoritare sesa këtu. Ndoshta dhe sidomos për mesin e atyre që janë pak më të rritur dhe që janë rritur me portretet e Stalinit, Brezhnevit dhe Gorbaçovit.
Redaktori i BBC-së për Rusinë, Steve Rosenberg, fokusohet në një nga thëniet e Putinit në kalendar: "Kufijtë e Rusisë nuk mbarojnë askund".
"Vitet e fundit, ky citat është përdorur gjerësisht për qëllime të propagandës, jo vetëm në këtë kalendar, por edhe në postera dhe tabela elektronike të njoftimeve në Moskë dhe qytete të tjera të mëdha ruse. Ata duan ta portretizojnë Putinin si mbrojtësin e të gjithë rusëve etnikë dhe rusishtfolësve, pavarësisht nëse duhet të qëndrojnë brenda apo jashtë kufijve të Federatës Ruse, thotë Kristian Åtland, hulumtues kryesor në Institutin e Kërkimeve të Mbrojtjes(FFI)!
Shumë besojnë se citati e ka origjinën nga nëntori i vitit 2016. Më pas Putini e tha atë në një takim me një nxënës 9-vjeçare, por Putini pretendoi se ishte një shaka!
Për të gjitha vendet fqinje që janë ekspozuar ndaj ambicieve perandorake të Rusisë dhe zgjerimit territorial për vite të tëra, është një pretendim i çuditshëm që shpërndan mungesë respekti për kufijtë, sovranitetin dhe integritetin territorial, jo vetëm të Ukrainës, por edhe të vendeve të tjera.
Ndërsa kufijtë e Rusisë mbarojnë aty ku e drejta ndërkombëtare thotë se mbarojnë, prandaj Rusia duhet të merret me këtë, si të gjitha vendet e tjera, thotë studiuesi i FFI për Nettavisen.
Citimi "Kufijtë e Rusisë nuk mbarojnë askund" shfaqet disi në mënyrë ironike së bashku me një foto të Putinit në një udhëtim të brendshëm në pjesët lindore të Rusisë, por ndoshta nuk ka aq shumë vende që ai mund të vizitojë tani, pa u arrestuar?
Sot, mundësitë e Putinit janë të kufizuara për të vizituar vende të tjera. Urdhër arresti i Gjykatës Penale Ndërkombëtare, i cili u lëshua më 17 mars 2023, me siguri do të varet mbi qafën e tij, për aq kohë sa ai të jetë gjallë. Të vetmet vende që mund të vizitojë janë aleatët dhe vendet e afërta të Rusisë, por nuk edhe aq shumë prej tyre.
Në terma afatgjatë, pozicioni i tij do të varet kryesisht nga rrjedhat e mëtejshme dhe rezultati përfundimtar i luftës në Ukrainë. Nëse Ukraina e mbështetur nga Perëndimi, arrin të rimarrë iniciativën dhe t'i shkaktojë një disfatë vendimtare Rusisë, është e vështirë të imagjinohet se Putini mund të mbetet në pushtet. E njëjta gjë vlen, nëse ekonomia ruse do të shembet, gjë që kjo ende nuk ka ndodhë! Nuk mund të përjashtojmë as mundësinë e një “skenari stallinist”, pra të vdesë në postin e tij, për shkaqe natyrore!/
Nettavisen/Anders Lohne Fosse
