Autoritetet në Rumaninë lindore kanë bërë plane afatmesme dhe afatgjata për t’u mbrojtur nga përmbytjet që goditën qarkun Galați muajin e kaluar, duke lënë shtatë njerëz të vdekur dhe rreth 7,000 shtëpi të dëmtuara nga uji.
Shkatërrimi ishte aq i madh sa qindra njerëz janë ende duke punuar në komunitetet e prekura duke u përpjekur të pastrojnë baltën në mënyrë që të mund të kthehen në shtëpitë e tyre para dimrit.
“Duhet të mendojmë për tre gjëra shumë të rëndësishme. Njëra, zhvendosja e shtëpive që janë në shtratin e lumit. Një gjë e dytë është të riparojmë atë që kanë dëmtuar ujërat”, tha presidenti i Këshillit të Qarkut, Costel Fotea, shkruan euronews.
“Duhet të riparojmë digat që janë prishur”, shtoi ai.
Autoritetet lokale vlerësojnë koston totale për riparimet në qark në rreth 150 milionë euro dhe thonë se rajoni mund të përballet me një çmim të ngjashëm sa herë që ka shi të rrëmbyeshëm.
Dëmet në qarkun Galati ishin të mëdha.
Autoritetet lokale thonë se të paktën 80% e banorëve në qarkun lindor janë detyruar të lëvizin.
