Asnjë fëmijë nuk ëndërron të bëhet politikan/e. Madje as ministrja e Jashtme Federale, Annalena Baerbock, nuk kishte ëndërruar kur ishte e vogël se do të merrej me politikë dhe aq më shumë të bëhej ministre.
Por, sot ajo zbuloi se kur ishte fëmijë ëndërronte të bëhej kopshtare. Madje publikoi një foto nga albumi familjar që e tregon atë të veshur me një kapele dielli, një përparëse kopshti me ngjyrë të verdhë të ndezur dhe një kovë të gjelbër për ujitje.
Në llogarinë e saj në Instagram, ministrja u shkruan të gjithëve që tani janë fëmijë, sikundër ishte ajo në foton e publikuar.
“Nuk ka rëndësi nëse më vonë do të bëheni mësues, mjekë apo fizikantë, ajo që ka rëndësi është që ju mund të jetoni atë që doni me gjithë zemër.”
