Sulmi terrorist në Ankara/ Ministri turk jep detajet: Fatkeqësisht ka viktima dhe të plagosur…
Ministri i Punëve të Brendshme të Turqisë, Ali Yerlikaya deklaroi se ka patur sulm terrorist në Kompaninë Aksionare të Industrive Ajrore Turke (TUSAŞ) dhe se nga sulmi ka dëshmorë dhe të plagosur, raporton Anadolu.
“Ka ndodhur një sulm terrorist kundër objekteve të Kompanisë Aksionare të Industrive Ajrore Turke (TUSAŞ) në Ankara Kahramankazan. Fatkeqësisht, nga sulmi ka dëshmorë dhe të plagosur.
Zoti i mëshiroftë dëshmorët tanë dhe uroj shërim të shpejtë për të plagosurit tanë. Publiku do të informohet për zhvillimet.
Merrni parasysh deklaratat nga burime zyrtare”, tha ministri Yerlikaya në deklaratën në llogarinë e tij në rrjetet sociale.
Të armatosur dhe me…/ Dalin pamjet e terroristëve që sulmuan sot Ankaranë
Një sulm terrorist goditi objektet e Industrisë Turke të Hapësirës Ajrore (TAI) në kryeqytetin turk Ankara, njoftoi të mërkurën një zyrtar i lartë.
Në pamjet e raportuara nga mediat në Turqi shfaqen edhe terroristët që kryen sulmin ditën e sotme në Ankara. Ata shfaqen teksa mbajnë në duar armë automatike dhe çanta shpine.
Sulmi la pas disa të vrarë dhe të plagosur, tha ministri i Brendshëm Ali Yerlikaya në X, ndërsa forcat e sigurisë vazhdojnë operacionin për neutralizimin e terroristëve.
Një shpërthim dhe të shtëna armësh u dëgjuan të mërkurën në objektet e Industrisë Hapësinore Turke në lagjen Kahramankazan të Ankarasë.
Turqi: Shpërthim në Qendrën e Hapësirës Ajrore, dyshohet për sulm terrorist
Një shpërthim i fuqishëm dhe të shtëna me armë u dëgjuan nga objekti kryesor i Industrisë Hapësinore Turke (TAI) në Ankara të mërkurën pasdite, në atë që zyrtarët e cilësuan sulm terrorist.
“Një sulm terrorist u krye kundër objekteve të Industrisë Ajrore Turke Inc. (TAI) në Kahramankazan në Ankara,” tha në një deklaratë Ministri i Brendshëm Ali Yerlikaya. Fatkeqësisht pas sulmit kemi dëshmorë dhe të plagosur”.
Imazhet fillestare të shfaqura nga kanali televiziv privat NTV treguan një re të madhe tymi përpara hyrjes së vendit rreth 40 kilometra jashtë kryeqytetit, duke thënë se shpërthimi ndodhi rreth orës 16:00.
Në vendngjarje janë nisur menjëherë forcat e sigurisë, zjarrfikëset dhe ekipet mjekësore, raporton Euronewsalbania.
TAI është një lojtar kyç në industrinë e hapësirës ajrore të Turqisë , duke projektuar, zhvilluar dhe prodhuar platforma të ndryshme ajrore.
Kompania prodhon gjithashtu pjesë për projekte ndërkombëtare, duke përfshirë komponentë për avionin e pasagjerëve Airbus A380 dhe aeroplanin e transportit ushtarak A400M.
Autoritetet nuk i kanë identifikuar ende autorët apo nuk kanë dhënë detaje rreth natyrës së sulmit.
