Është gjetur trupi i Roland Drexler, i cili vrau dy persona në Austri të hënën.
Policia nuk ka dhënë detaje shtesë, por ka paralajmëruar konferencë për media për më vonë.
Kujtojmë se makina e tij u gjet dje. Sipas informacioneve të policisë, mjeti u zbulua në pyllin mes Arnreit dhe Altenfelden, jo shumë larg vendit të krimit.
Një kalimtar ka zbuluar makinën mëngjesin e djeshëm dhe ka kontaktuar menjëherë policinë. Është një VW Caddy argjendi me numër regjistrimi RO-231EL.
Për shkak të kërkimit të vrasësit, të gjitha procesionet e Ditës së Gjithë Shenjtorëve në zonë janë anuluar.
Banorëve midis Altenfelden dhe Arnreit, ku ndodhën dy vrasje të hënën, iu kërkua të qëndronin në shtëpitë e tyre.
Drexler vrau kryetarin e bashkisë Kirchberg mbi Danub, Franz Hofer (64) dhe një person tjetër.
Pas krimit janë publikuar rezultatet e autopsisë - shefi kishte tri plagë me armë zjarri, dhe plumba fatal në kokë. Gjithashtu, në të njëjtën pjesë është goditur edhe viktima e dytë.
