Vendimi i presidentit amerikan Joe Biden për të pajisur Ukrainës me mina kundër personel dhe për të lejuar përdorimin e raketave me rreze të gjatë veprimi në Rusi, vjen në kohën kur ushtria ruse po përshpejton përparimin e saj në vijën e frontit, shkruan BBC në analizën e saj të situatës së luftës.
Të dhënat nga Instituti për Studimin e Luftës (ISW) tregojnë se në vitin 2024, Rusia fitoi pothuajse gjashtë herë më shumë territor sesa në vitin 2023 dhe po përparon drejt qendrave kryesore të logjistikës ukrainase në Donbas.
Ndërkohë, inkursioni i Ukrainës në Kursk has në vështirësi, pasi trupat ruse arritën të shtypnin ofensivën. Ekspertët vënë në dyshim suksesin e ofensivës, me një që e përshkruan atë si një "katastrofë strategjike" duke pasur parasysh mungesën e fuqisë punëtore me të cilën po përballet Ukraina.
Këto zhvillime vijnë në një kohë pasigurie të shtuar për shkak të fillimit të afërt të mandatit të dytë të Donald Trump. Presidenti i zgjedhur i SHBA-së është zotuar t'i jep fund luftës kur të marrë detyrën në janar, duke shkaktuar frikën se ai mund të shkurtojë ndihmën e ardhshme ushtarake për Ukrainën.
Të dhënat e reja të ISW sugjerojnë se situata në vitin 2024 është më e favorshme për Rusinë, pasi forcat ruse kanë kapur rreth 2.700 kilometra katrorë deri më tani këtë vit, krahasuar me 465 kilometra katrorë në 2023, një rritje gati gjashtëfish.
Marina Miron, një studiuese e mbrojtjes në Kolegjin Mbretëror Londër tha për BBC se ekziston mundësia që fronti lindor i Ukrainës "të shembet" nëse Rusia vazhdon të përparojë me këtë ritëm.
Miron sugjeroi se ndërsa Kremlini do të vuante një kosto politike të brendshme për aq kohë sa zgjati inkursioni, ushtria donte të mbante forcat ukrainase pranë Kursk, ndërsa të fitonin diku tjetër në front. Tani është e qartë se Moska synon të kthejë territorin e humbur në Kursk. Rreth 50 mijë ushtarë janë vendosur në rajon.
Qe nga fillimi i tetorit, kundërsulmet ruse kanë kthyer rreth 593 kilometra katrorë territor në zonën kufitare, sipas ISW. Miron tha se ndërsa inkursioni në Kursk ishte një moment "shkëlqimi taktik", ishte gjithashtu një "katastrofë strategjike" për Ukrainën.
Sipas saj, përparimet e Rusisë i kanë dhënë Moskës një pozicion më të fortë negociues ndërsa ekipi i ri i politikës së jashtme Trump përgatitet të marrë detyrën.
"Ajo që ata aktualisht kontrollojnë u jep atyre një avantazh të caktuar. Nëse do të kishte negociata, jam e sigurt se, siç thekson pala ruse, ato do të zhvilloheshin sipas konfigurimit të vijës së frontit. Nga perspektiva ruse, ata kanë letra shumë më të mira se ukrainasit”, tha Miron.
Rëndësia e territorit për të dyja palët qëndron në avantazhin që u sjell pozicionit të tyre në negociatat e mundshme. Megjithëse bisedimet e paqes nuk janë diskutuar, presidenti i zgjedhur i SHBA-së, Trump pretendoi se mund t'i jepte fund luftës brenda 24 orëve, por nuk tha se si.
Frika mbetet në Ukrainë se Trump mund të shkurtojë ndihmën ushtarake për të detyruar Kievin në tryezën e bisedimeve.
Presidenti Volodymyr Zelensky tha për Fox News të martën se ai mendon se Ukraina do ta humbasë luftën nëse ndihma ndërpritet.
