LIVE: Acarohen “gjakrat”/ Ukraina thotë se Rusia e sulmoi me raketë balistike ndërkontinentale - publikohen pamjet

Njoftohet se Ukraina ka përdorur për herë të parë raketa britanike të tipit “Storm Shadow” me rreze të gjatë veprimi për të goditur objektiva brenda Rusisë. Siç njofton korrespondenti i Zërit të Amerikës Henry Ridgwell nga Londra, sulmi ukrainas vjen pas njoftimeve se Presidenti Joe Bien vendosi në fillim të javës që ta lejojë Kievin të përdor raketa amerikane me rreze të gjatë veprimi për të goditur objektiva në brendësi të Rusisë.

Mediat britanike njoftuan të mërkurën se Ukraina kishte përdorur për herë të parë raketa të tipit “Storm Shadow”, të furnizuara nga Britania, për të goditur objektiva brenda territorit rus. Raketa të tilla janë përdorur në të kaluarën kundër forcave ruse në territoret e pushtuara të Ukrainës, si vitin e kaluar, kur u godit shtabi i flotës ruse të Detit të Zi në Krime.

Londra dhe Kievi nuk e kanë konfirmuar sulmin e djeshëm.

Në fillim të kësaj jave, ushtria ukrainase përdori raketa me rreze të gjatë veprimi, të furnizuara nga Shtetet e Bashkuara, për të goditur në thellësi të territorit rus, pas miratimit nga Uashingtoni.

Franca gjithashtu e ka furnizuar Ukrainën me raketa me rreze të gjatë veprimi. Por raketat evropiane dallojnë nga ato amerikane, thotë për Zërin e Amerikës analisti Patrick Bury nga Universiteti Bath.

“Ato janë raketa që lëshohen nga ajri dhe kanë një rreze veprimi prej 250 kilometrash. Raketat amerikane kanë një rreze më të gjatë veprimi dhe nuk lëshohen nga ajri, ndaj janë më të vështira që të eliminohen, të paktën në teori”.

Dy sistemet e raketave ofrojnë mundësi për objektiva të reja.

“Rrezja e veprimit të dy llojeve të raketave është e mjaftueshme për të depërtuar brenda territorit dhe goditur infrastrukturën ruse, duke ndërprerë furnizimet për frontin e luftës. Rrezja e veprimit nuk është aq e rëndësishme sa fakti që Ukraina ka nevojë për sasi të mëdha raketash dhe sa më shpejt të jetë e mundur”, thotë James Nixey, i cili drejton programin Ruso-Euroaziatik në Institutin Mbretëror për Çështjet Ndërkombëtare që njihet edhe si Chatham House.

Ukraina duhet të zgjedhë me kujdes objektivat e saj, thotë analisti Bury.

“A do të lejohen ata (Ukraina) që ta shtojnë trysninë dhe të godasin infrastrukturën energjetike, ushtarake, rafineritë e naftës, objektiva që do të fillonin me të vërtetë të dëmtonin ekonominë ruse? Kjo është pyetja.”

Por Gjermania, furnizuesi i dytë më i madh i Ukrainës me armë, e përjashtoi këtë javë mundësinë që t’i ofronte Kievit raketa me rreze të gjatë veprimi. Berlini druhet se mund të përfshihet në luftë.

“Asgjë nuk ka ndryshuar për ne, situata dhe rrethanat janë të njëjta. Raketat gjermane nuk janë si ato amerikane apo britanike. Këndvështrimi ynë për këtë çështje është i njëjtë”, tha shefi i mbrojtjes gjermane, Boris Pistorius.

E ardhmja e ndihmës ushtarake perëndimore për Kievin mbetet e pasigurt. Presidenti i zgjedhur amerikan, Donald Trump, është zotuar t'i japë fund luftës në ditën e parë që merr detyrën. Kievi i druhet tërheqjes së mbështetjes amerikane. Analisti Bury thotë se Britania dhe Franca mund të vendosin që të vazhdojnë furnizimin e Ukrainës me raketa.

“Dy vendet kanë armë bërthamore dhe mund të rrezikojnë nëse duan. Mund të gjenden dallime mes NATO-s evropiane dhe asaj amerikane për disa çështje politike lidhur me Ukrainën”.

Pas vendimit të Uashingtonit për ta lejuar Ukrainën që të godasë territorin rus me raketa amerikane, Moska uli kufizimet për përdorimin e armëve bërthamore.

Ukrainasit njoftuan sot se rusët kanë përdorur për herë të parë një raketë balistike ndërkontinentale, në luftën pothuajse trevjeçare.

Ata goditën qytetin Dnipro, duke shkaktuar zjarre të mëdha në pjesë të ndryshme të qytetit.

Lidhur me këtë ka reaguar edhe këshilltari i ministrit të Jashtëm të Ukrainës, Anton Gerashchenko, i cili ka postuar një videon në llogarinë e tij në platformën X.

“Qyteti ukrainas Dnipro është parë qyteti i parë në historinë e njerëzimit, që u godit nga një raketë balistike ndërkontinentale”, tha Gerashchenko.

“Është një pikë kthese në histori. Raketa balistike ndërkontinentale nuk është përdorur në një poligon të caktuar qitje, por kundër një qyteti me miliona njerëz”, ka shtuar zyrtari ukrainas.

Në video shihet momenti kur raketa godet qytetin dhe shkaktohen shpërthime të fuqishme. 

Ministria ruse e mbrojtjes pretendon se Moska ka rrëzuar dy raketa Storm Shadow të furnizuara nga Britania.

“Sistemet e mbrojtjes ajrore rrëzuan dy raketa lundrimi Storm Shadow të prodhimit britanik, gjashtë raketa HIMARS të prodhimit amerikan dhe 67 mjete ajrore pa pilot të tipit aeroplan”, tha Ministria e Mbrojtjes në një deklaratë.

Në deklaratë nuk thuhet se ku janë rrëzuar raketat.

Nuk kemi pasur asnjë koment mbi pretendimet nga Ukraina apo Britania e Madhe.

Kjo vjen pasi raketat me rreze të gjatë veprimi të furnizuara nga Britania u përdorën me sa duket në tokën ruse për herë të parë dje.

Rusia lëshoi ​​një raketë balistike ndërkontinentale në Ukrainë këtë mëngjes, sipas Kievit.

Agjencia e lajmeve Reuters thotë se kjo është hera e parë që një armë e këtij diapazoni dhe fuqie është përdorur në luftë.

Forcat ajrore të Ukrainës thanë se raketa u lëshua nga rajoni jugor i Rusisë Astrakhan dhe kishte në shënjestër rajonin Dnipro.

Më herët raportuam për një sulm në Dnipro, i cili shkaktoi dy zjarre - por viktima nuk janë raportuar ende.

Përveç kësaj, mbrojtja ajrore e Ukrainës rrëzoi gjashtë nga shtatë raketat Kh-101 gjatë të njëjtit sulm, tha forcat ajrore.

Moska nuk ka komentuar mbi pretendimet.

Raketat ndërkontinentale kanë një rreze prej mijëra kilometrash dhe mund të përdoren për dërgimin e kokave bërthamore, megjithëse ato zakonisht mbajnë koka luftarake konvencionale.

Ajo vjen pasi Ukraina filloi të përdorë raketa me rreze të gjatë të furnizuar nga perëndimi në tokën ruse - e parë si një përshkallëzim i madh nga Moska.

Të martën, Vladimir Putin miratoi ndryshimet në doktrinën bërthamore të Rusisë, të cilat Kremlini tregoi se ishin në përgjigje të masës.

Koreja e Veriut dhe Rusia kanë arritur marrëveshje të re për zgjerimin e bashkëpunimit ekonomik, pas bisedimeve të nivelit të lartë në Phenian këtë javë, tha të enjten agjencia shtetërore e lajmeve e Veriut.

Agjencia e Lajmeve Qendrore e Koresë së Veriut (KCNA) nuk tregoi hollësi rreth marrëveshjes së nënshkruar të mërkurën mes zyrtarëve të lartë të tregtisë së Veriut dhe një delegacionit rus të udhëhequr nga Alexandr Kozlov, i cili është ministër i Ekologjisë dhe Burimeve Natyrore të Rusisë.

Agjencia ruse e lajmeve, TASS, raportoi të martën se zyrtarët ranë dakord t’i rrisin numrin e fluturimeve çarter midis dy vendeve për ta promovuar turizmin.

Kozlov, i cili mbërriti në Korenë e Veriut të dielën, u takua me liderin koreanoverior, Kim Jong Un, dhe me zyrtarin e tij kryesor ekonomik, kryeministrin Kim Tok Hun, para se të kthehej në shtëpi të mërkurën, raportoi KCNA.

Gjatë vizitës së Kozlovit, presidenti rus Vladimir Putin ia dhuroi Kopshtit Zoologjik Qendror të Phenianit më shumë se 70 kafshë, përfshirë luanë, arinj dhe disa lloje zogjsh, sipas TASS-it, duke shfaqur shenja të reja se marrëdhëniet mes këtyre dy vendeve po vazhdojnë të rriten.

Në muajt e fundit, Kim Jong Un i ka dhënë përparësi marrëdhënieve me Moskën në përpjekje për të dalë nga izolimi ndërkombëtar dhe për ta forcuar pozitën e tij, duke mbështetur vazhdimisht luftën e Putinit në Ukrainë, dhe njëkohësisht duke e paraqitur Korenë e Veriut si pjesëmarrëse në një front të bashkuar kundër Uashingtonit.

Kim ende nuk e ka pranuar drejtpërdrejt që ka furnizuar Rusinë me pajisje ushtarake dhe trupa për të mbështetur luftën e saj kundër Ukrainës.

Në një seancë me dyer të mbyllur në Parlament, Shërbimi Kombëtar i Inteligjencës i Koresë së Jugut (NIS) tha të mërkurën se në fund të tetorit rreth 11.000 ushtarë koreanoveriorë u zhvendosën në rajonin Kursk të Rusisë – ku trupat ukrainase kanë marrë nën kontroll pjesë të territorit këtë vit – pasi u stërvitën fillimisht në verilindje të Rusisë.

SHBA-ja, Ukraina dhe vende të tjera kanë vlerësime të ngjashme mbi numrin e ushtarëve koreanoveriorë të Rusi.

Nis beson se ushtarët koreanoveriorë janë regjistruar në njësite të forcave ruse dhe disa prej tyre kanë marrë pjesë tashmë në luftime përkrah rusëve, sipas deputetit Lee Seong Kweun, i cili mori pjesë në seancë.

Koreja e Veriut mund t’i fitojë mbase nga 320 milionë deri në 1.3 miliard dollarë në vit nga Rusia për dërgimin e trupave të saj në Ukrainë, duke marrë parasysh numrin e tyre dhe nivelin e pagesave që Rusia ka ofruar për mercenarët e huaj, sipas një studimi të fundit nga Lim Soo-ho, një analist koreanojugor në një institut kërkimor të drejtuar nga Shërbimi Kombëtar i Inteligjencës (NIS).

Megjithëse ky do të ishte burim i rëndësishëm të ardhurash për ekonominë e dëmtuar dhe të sanksionuar rëndë të Koresë së Veriut, fitimi mund të jetë më e ulët se ai që Veriu e fiton nga eksportet e paligjshme të qymyrit ose nga furnizimi me pajisje ushtarake për Rusinë, tha Lim.

Kjo sugjeron se dërgimi i trupave nga Koreja e Veriut ka më pak të bëjë me paratë dhe më shumë me marrjen e teknologjive të rëndësishme ruse për ta avancuar më tej programin e saj bërthamor dhe raketor, gjë që përbën shqetësim madhor në Seul, tha Lim.

Kim e ka shtuar trysninë ndaj Koresë së Jugut, duke hequr dorë nga synimi e kahershëm i vendit të tij për pajtim ndërkorean dhe duke kërcënuar verbalisht me sulme bërthamore ndaj Jugut, nëse provokohet.

Ai ka shfrytëzuar luftën e Rusisë në Ukrainë si shpërqendrim për të përshpejtuar zhvillimin e ushtrisë së tij të armatosur me armë bërthamore, e cila tani zotëron sisteme të ndryshme të armëve bërthamore dhe raketa balistike ndërkontinentale që mund ta godasin SHBA-në./REL

Çmimet e qumështit, patateve, gjalpit po rriten në Rusi. Shitësit me pakicë po rrisin sigurinë për të parandaluar vjedhjet. Normat e hipotekave janë rritur, teksa shitjet e banesave të reja po bien.

Më shumë se 1.000 ditë që kur Moska nisi pushtimin në shkallë të plotë të Ukrainës fqinje, Rusia ka transformuar ekonominë e saj, duke e riorganizuar atë për të fuqizuar përpjekjet e luftës dhe për t’u përballur me sanksionet perëndimore.

Shpenzimet qeveritare në gjëra sikurse prodhimi i tankeve, raketave dhe uniformave ushtarake kanë nxitur rritjen në mbarë vendin. Pagat jashtëzakonisht të larta për ushtarët vullnetarë – dhe shpërblime dhe përfitime në vlera monetare për të vejat – kanë dërguar fluks të madh parash në rajonet më të varfra.

Në anën tjetër, inflacioni po rritet. Banka Qendrore ruse ka luftuar që ta zbusë inflacionin, duke rritur normën bazë të interesit në 21 për qind në tetor – niveli më i lartë për më shumë se 20 vjet.

Sipas ekspertëve, zilja e alarmit është ndezur. Ekziston frika për një valë në rritje të falimentimeve të korporatave pasi kompanitë rrisin pagat, duke luftuar për të tërhequr punëtorët nga fuqia punëtore në tkurrje. Ndërkohë, normat e hipotekave, të nxitura nga Banka Qendrore, po i trembin qytetarët të blejnë prona në shumë rajone ruse.

“Tregu ka vdekur”, tha për Current Time një agjent i patundshmërisë, i cili kërkoi të mbeste anonim nga frika e hakmarrjes nga autoritetet. “Tregu aktualisht është i ngrirë, asgjë nuk po ndodh”.

Rritja ekonomike “padyshim është duke u ngadalësuar,” tha Laura Solanko, këshilltare e lartë në Institutin për Ekonomitë në Tranzicion të Bankës së Finlandës.

“Ekonomia është e tejnxehur, dhe norma e rritjes duhet të ngadalësohet”, tha ajo. “Por, rritja shumë e ngadaltë – ose aspak rritje – nuk tregon që ekonomia është buzë kolapsit. Ajo nënkupton investime më të ngadalshme dhe ulje të disa shpenzimeve publike në muajt e ardhshëm”.

Shpenzimet e Qeverisë për shkak të luftës bën që të ketë rritje të Bruto Prodhimit të Brendshëm gjatë viti të kaluar me 3.6 për qind, pavarësisht sanksioneve perëndimore dhe përpjekjeve për të ndërprerë tregtinë me Rusinë. Këtë vit, parashikimet janë që ekonomia të rritet me 3.9 për qind./REL

Artikullin e plotë mund ta lexoni KETU

Forcat e armatosura të Rusisë thuhet se përgatiten të qëllojnë RS-26 në kryeqytetin ukrainas, ndërsa vendet perëndimore po mbyllin ambasadat e tyre.

Rusia po kërcënon të godasë Kievin me një raketë të re “masive” si hakmarrje për përdorimin e armëve perëndimore kundër territorit të saj.

Forcat e armatosura të Vladimir Putinit po përgatiten të lëshojnë raketa balistike ndërkontinentale RS-26 në kryeqytetin ukrainas, raportojnë mediat lokale.

Vendet perëndimore duke përfshirë Shtetet e Bashkuara mbyllën ambasadat e tyre të enjten në pritje të një sulmi ajror në shkallë të gjerë.

Mbyllja e përbashkët, duke përfshirë gjithashtu Italinë, Spanjën dhe Greqinë, shënoi shprehjen më të rëndë të shqetësimit nga ambasadat e huaja që nga ditët e para të luftës.

Të mërkurën, raketat britanike Storm Shadow goditën një post komandë në rajonin e Kursk në përdorimin e tyre të parë kundër territorit rus. ATACMS i prodhuar në SHBA goditi një depo municioni në Bryansk fqinj një ditë më parë.

Sipas Moskovky Komsomolets, një gazetë me bazë në Moskë, ushtria ruse po përgatitet të lëshojë raketa RS-26 nga një zonë në qytetin e Astrakhanit pranë Detit Kaspik.

RS-26 nuk është përdorur më parë në luftime, sipas ekspertëve perëndimorë të raketave. Thuhet se fluturon me pesë herë shpejtësinë e zërit, duke e bërë më të vështirë rrëzimin e sistemeve raketore Patriot të furnizuara nga SHBA në Kiev.

Timur Syrlanov, një analist ushtarak rus, i tha Moskovky Komsomolets se populli ukrainas duhet të “dridhet” për përdorimin e mundshëm të raketës.

“Në këtë situatë, ne nuk do të përdorim armë bërthamore , por neo-nazistët dhe aleatët e tyre perëndimorë, mendoj se do të vlerësojnë në ditët në vijim goditjen që do t’i jepet infrastrukturës kritike të Ukrainës dhe, ndoshta, objektivave në vetë Kiev”, tha ai.

Kievi u dërgua në një gjendje furi të mërkurën në mëngjes kur ambasada e SHBA njoftoi se ishte mbyllur. Në një deklaratë, ambasada tha se punonjësit e saj ishin udhëzuar të strehoheshin në vend pasi SHBA morën informacione për një “sulm të mundshëm të rëndësishëm ajror”.

Pas njoftimit, Greqia, Italia dhe Spanja gjithashtu mbyllën ambasadat e tyre.

Dje, Ukraina përdori raketat Storm Shadow të furnizuara nga Britania brenda Rusisë.

Mbretëria e Bashkuar dhe Ukraina nuk e kanë konfirmuar ende përdorimin e armëve me rreze të gjatë veprimi në Rusi, por vendosja e tyre është raportuar gjerësisht.

Pamjet janë postuar në Telegram që raportohet se tregojnë rrënojat e një prej raketave në rajonin Kursk të Rusisë, i cili kufizohet me Ukrainën.

Gazeta ukrainase Defense Express sugjeroi se objektivi ishte afër pronës Baryatinsky në Marino.

Ai tha se një strukturë ushtarake pranë pronës, e cila ishte shtëpia e të fundit të dukeshave të mëdha Romanov (dukesha e madhe Olga Alexandrovna), mund të jetë përdorur nga Moska për të strehuar trupat e Koresë së Veriut.

Trupat u dërguan nga Pheniani për të ndihmuar Moskën në rimarrjen e rajonit Kursk të Rusisë të pushtuar nga ukrainasit në fillim të këtij muaji.

Defense Express tha se përdorimi i raketës sugjeroi se objektiva të profilit më të lartë mund të kenë qenë gjithashtu të pranishëm, "ndoshta edhe gjeneralë të Koresë së Veriut".

“Spekulimet sugjerojnë se një post komandë ushtarake e groposur thellë, që mund të shërbente si një qendër komunikimi, ishte objektivi kryesor”, shtoi raporti.

Siç pritej, ambasada amerikane është rihapur në Kiev.

Në një deklaratë të postuar mbrëmë vonë, ajo tha se kishte "ndryshuar përkohësisht operacionet... për shkak të raportimeve për një sulm të mundshëm ajror të afërt.

"Ambasada [tani] mbetet e hapur dhe funksionale."

Ambasada italiane dhe ajo greke u mbyllën gjithashtu dje, ndërsa ambasada franceze qëndroi e hapur, por u bëri thirrje qytetarëve të saj të jenë të kujdesshëm.

Ukraina lëshoi ​​disa deklarata duke sugjeruar se Rusia kishte shpërndarë "mesazhe që shkaktojnë panik" në një shkallë masive, duke akuzuar Moskën se thoshte se një sulm masiv ajror ishte i pashmangshëm.

Gadishulli i Krimesë mund t'i rikthehet Ukrainës vetëm përmes diplomacisë, tha Volodymyr Zelenskyy.

Territori u aneksua nga Rusia në vitin 2014 dhe që atëherë është mbajtur nga Moska.

Që nga pushtimi i plotë i Rusisë në vitin 2022, Ukraina ka nisur disa operacione, kryesisht sulme ajrore, në një përpjekje për të ngacmuar forcat dhe burimet e Moskës të vendosura atje.

Disa analistë sugjeruan më parë se Ukraina mund të tentojë një operacion tokësor në gadishull, megjithëse këto sugjerime u thanë disi pas kundërsulmimit të lëkundur të Ukrainës verën e kaluar.

Tani, Zelenskyy, ndërsa u intervistua nga Fox News në një tren në Ukrainë dje, tha se nuk do të rrezikonte koston e konsiderueshme njerëzore që do të kërkonte një fushatë ushtarake për të rimarrë Krimenë.

Megjithatë, ai këmbënguli se territori i përkiste Ukrainës dhe nuk do të "pranonte ligjërisht asnjë territor të okupuar të Ukrainës si rus".

“Unë po përmendja tashmë se ne jemi gati të kthejmë Krimenë në mënyrë diplomatike”, tha ai.

“Ne nuk mund të shpenzojmë dhjetëra mijëra njerëz tanë që ata të humbasin për hir të kthimit të Krimesë... dhe ende nuk është fakt që ne mund ta kthejmë atë me krahë në duar.

“Ne e kuptojmë se Krimea mund të rikthehet diplomatikisht”.