Zëvendësministri i Jashtëm i Rusisë ka thënë se Moska do të konsiderojë vendosjen e raketave me rreze të shkurtër dhe të mesme veprimi në Azi, nëse SHBA bën të njëjtën gjë, sipas raporteve të mediave ruse, përcjell Bota sot.
Agjencia japoneze e lajmeve Kyodo raportoi dje se Tokio dhe Uashingtoni po synonin të përpilonin një plan të përbashkët ushtarak për një emergjencë të mundshme në Tajvan që përfshin vendosjen e raketave.
Raporti, i cili citon burime anonime, tha se SHBA do të vendosë njësi raketash në ishujt Nansei të prefekturave jugperëndimore të Japonisë Kagoshima dhe Okinawa dhe në Filipine.
Sergei Ryabkov u citua nga agjencia e lajmeve RIA të thoshte se Moska po shqyrtonte mundësinë e vendosjes së raketave me rreze të shkurtër dhe të mesme veprimi në Azi "në rast se raketat amerikane shfaqen atje".
