Rusia ka nisur “sulme masive” në infrastrukturën energjetike të Ukrainës, tha ministri i energjisë së vendit, pasi u raportuan shpërthime në disa qytete.
Herman Halushchenko tha në Facebook se sulmet ndaj objekteve energjetike “po ndodhnin në të gjithë Ukrainën” dhe se ka ndërprerje emergjente të energjisë elektrike.
Herët të enjten, forcat ajrore ukrainase shpallën një alarm mbarëkombëtar për sulm ajror “për shkak të kërcënimit të rrezikut nga raketat”.
Ditët e fundit Rusia ka kryer rreth 1500 sulme ajrore në Ukrainë, duke goditur rreth gjysmën e rajoneve të vendit, sipas autoriteteve, raporton BBC.
