Papa Françesku dënoi sërish të shtunën sulmet ajrore izraelite në Gaza, ku të premten vdiqën të paktën 25 persona.
“Dje u bombarduan fëmijët”, tha Papa. “Kjo është mizori. Kjo nuk është luftë. Doja ta them këtë sepse prek zemrën.”
Papa, si udhëheqës i Kishës Katolike Romake, zakonisht është i kujdesshëm për të mos mbajtur një anë në konflikte, por kohët e fundit ka qenë më i hapur për fushatën ushtarake të Izraelit kundër grupit Hamasit.
Në fragmentet e librit të botuar muajin e kaluar, Papa tha se disa ekspertë ndërkombëtarë thanë se “ajo që po ndodh në Gaza ka karakteristikat e një gjenocidi”.
Ministri izraelit i Çështjeve të Diasporës Amichai Chikli kritikoi ashpër këto komente në një letër të hapur të botuar nga gazeta italiane Il Foglio të premten.
Papa tha të shtunën gjithashtu se peshkopi katolik i Jeruzalemit, i njohur si patriark, ishte përpjekur të hynte në Rripin e Gazës të premten për të vizituar katolikët atje, por iu refuzua hyrja.
