Në Kroaci janë mbyllur vendvotimet për zgjedhjet e teta presidenciale dhe tashmë janë publikuar exit-poll e para për tetë kandidatët sa janë në garë.
Prin presidenti aktual Zoran Milanoviq (SDP) me 51.48 për qind. Dragan Primorac (HDZ) ka 19.29 për qind në vendin e dytë.
Maria Selak Raspudiq (e pavarur) renditet e treta me 8.84 për qind, Ivana Kekin (Ne mundemi) 8.33 për qind e katërta.
Tomislav Jonjiq (i pavarur) 3.99 për qind, Miro Bul (Shumica) 3.48 për qind, Branka Lozo (DOMiNO) 2.56 dhe Niko Tokiq Kartelo (i pavarur) - 0.80 për qind.
Pjesëmarrja e përgjithshme në zgjedhje deri në orën 16:30 ishte 36.09 për qind. Më së shumti votues janë në Varazhdinska 43.61 për qind. Numri më i ulët ishte në Vukovarsko-Sriemsko 28.52 për qind.
Përveç Kroacisë, presidenti zgjidhet edhe jashtë vendit, në 38 shtete, nëntë më pak se pesë vjet më parë, me gjithsej 3.762.224 qytetarë me të drejtë vote.
