Sipas një raporti të 7 janarit në faqen e internetit për çështjet ushtarake të Ukrainës, Militarnyi, dy brigada nga forcat e armatosura të Ukrainës kanë filluar provat ushtarake të Black Widow 2, një dron ujor.
Zhvilluar nga grupi Brave1, ai është projektuar për të kryer operacione zbulimi, vëzhgimi dhe sulme kamikaze në lumenj dhe deti, transmeton Telegrafi.
Black Widow 2 është një dron ujor me gjatësi prej një metër dhe peshon 8 kilogramë. Ka një shpejtësi maksimale prej 40 km/h dhe një rreze operative deri në 10 kilometra.
Bateria e karikueshme i siguron dronit ujor disa orë kohë funksionimi, dhe mund të vihet në gatishmëri për ta lejuar atë të lëvizë për disa ditë duke qëndruar në pritje për shfaqjen e objektivave.
Droni është i pajisur me një kamerë që mund të rrotullohet si horizontalisht ashtu edhe vertikalisht, dhe mund të regjistrojë si ditën ashtu dhe natën.
Mund të mbajë një ngarkesë shpërthyese prej tre kilogramësh, që e lejon atë të përdoret si një dron kamikaz kundër varkave të vogla të rusëve.
