Mbretëria e Bashkuar, fuqitë e tjera të mëdha evropiane dhe madje edhe vetë Ukraina nuk duhet të përfshihen në negociatat e paqes, sipas një këshilltari të Vladimir Putin.
Nikolai Patrushev tha se vetëm SHBA dhe Rusia duhet të përfshihen në çdo marrëveshje armëpushimi midis Moskës dhe Kievit, raporton Sky News.
“Unë besoj se negociatat për Ukrainën duhet të zhvillohen midis Rusisë dhe Shteteve të Bashkuara pa pjesëmarrjen e vendeve të tjera perëndimore,” tha ai për gazetën Komsomolskaya Pravda.
“Nuk ka asgjë për të folur me Londrën dhe Brukselin”, shtoi ai.
