“Më mirë të takohemi dhe të kemi një bisedë të qetë për të gjitha çështjet me interes si për SHBA-në ashtu edhe për Rusinë, bazuar në realitetet e sotme”, tha Putin në një intervistë televizive.
Presidenti rus sapo ka deklaruar se Moska është gati për bisedime me SHBA-në për një gamë të gjerë çështjesh.
Dhe e vlerësoi Trumpin si një “njeri të zgjuar dhe pragmatik” i cili është i fokusuar në interesat e SHBA-së, shkruan euronews.
Madje, Putin i lidhi vlerësimet e tij edhe me luftën në Ukrainë.
“Nëse ai do të ishte president, kriza në Ukrainë në vitin 2022 mund të ishte shmangur”, u shpreh Putin.
Kjo deklaratë vjen pas komenteve të vazhdueshme të Trumpit se ai nuk do të kishte lejuar që konflikti të fillonte nëse do të kishte qenë në detyrë, edhe pse ai ishte president ndërsa luftimet u rritën në lindje të vendit midis forcave të Kievit dhe separatistëve të rreshtuar me Moskën.
