Ukraina ka një shans të ulët për t’i mbijetuar sulmit të Rusisë pa mbështetjen e SHBA-së, tha Presidenti Volodymyr Zelensky në një intervistë për programin NBC “Meet the Press with Kristen Welker”.
“Ndoshta do të jetë shumë, shumë, shumë e vështirë. Dhe sigurisht, në të gjitha situatat e vështira, ju keni një shans. Por ne do të kemi shanse të ulëta – mundësi të ulëta për të mbijetuar pa mbështetjen e Shteteve të Bashkuara,” tha Zelensky në intervistë.
Një fragment nga programi është publikuar të premten dhe emisioni i plotë do të transmetohet të dielën.
Komentet e tij vijnë pas telefonatave të mbajtura në fillim të javës nga Presidenti i SHBA Donald Trump me Zelenskiy dhe presidentin rus Vladimir Putin.
