Një 27-vjeçar ka humbur jetën në aeroportin e Mançesterit pasi u arrestua nga oficerët e Forcave Kufitare.
“Burri ishte ndaluar teksa kalonte në sigurinë në Terminalin 2 të mërkurën pasi shfaqi sjellje të pazakontë”, tha mbikëqyrësi i policisë.
Mësohet se ai u arrestua më vonë në lidhje me veprat e dyshuara të drogës, sipas Manchester Evening News dhe më pas u shpall i vdekur në orën 13:53.
Një hetim ka nisur për vdekjen e tij, me Zyrën e Pavarur për Sjelljen e Policisë (IOPC) që po kryen hetime të pavarura për incidentin.
Një zëdhënës i IOPC tha: “Ne mund të konfirmojmë se po hetojmë në mënyrë të pavarur rrethanat e vdekjes së një 27-vjeçari pas arrestimit të tij nga oficerët e Forcave Kufitare në aeroportin e Mançesterit të mërkurën më 19 shkurt.
Hetimi ynë vjen pas një referimi nga Zyra e Brendshme, e cila detajonte sesi burri do të udhëtonte nga aeroporti të mërkurën dhe u ndalua pasi shfaqi sjellje të pazakontë.
Ai u arrestua më pas nga oficerët dhe u dërgua në një zonë ku u bë keq dhe u thirrën mjekë ndihmës. Fatkeqësisht, ai u shpall i vdekur në orën 13:53.
Pasi u njoftuam për vdekjen e burrit, ne shpallëm një hetim të pavarur për rrethanat në orën 16:29 të së mërkurës. Hetuesit e IOPC u dërguan në vendngjarje për të filluar mbledhjen e provave.”
Drejtoresha e IOPC-së, Amanda Rowe, tha: “Para së gjithash, ngushëllimet tona shkojnë me familjen dhe të dashurit e burrit, si dhe me të gjithë ata që janë prekur nga vdekja e tij.
Kur dikush vdes pasi merret në paraburgim, është e rëndësishme që të ketë një hetim të plotë për të kuptuar se çfarë ka ndodhur.
Ne kemi qenë në kontakt me familjen e 27-vjeçarit për të shpjeguar rolin tonë dhe do t’i mbajmë të përditësuar ndërsa hetimi përparon. Hetimi ynë është në fazat e tij të hershme dhe nuk ka informacion të mëtejshëm në këtë moment.”
