Shëndeti i Papa Françeskut hasi në sfida të reja të premten ndërsa qëndron prej dy javësh i shtruar në spitalin e Romës, Gemelli.
Vatikani tha se një "incident i izoluar i frymëmarrjes" rezultoi në probleme për frymëmarrjen e papës 88-vjeçar, që mjekët e vendosën në vazhdim në pajisje respiratore.
Papa Françesku ishte i vetëdijshëm gjatë episodit dhe ishte në gjendje të bashkëpunonte dhe të merrte pjesë në masat e nevojshme për shërimin e tij.
Vatikani tha se papa mbetet “vigjilent dhe i orientuar mirë”.
Lajmi për ndërlikimin e së premtes pason tre ditë njoftimesh për një përmirësim të gjendjes mjekësore të Papa Françeskut.
Vatikani njoftoi gjithashtu të premten se Papa Françesku nuk do të drejtojë shërbesën të mërkurën e javës së ardhshme që shënon fillimin e sezonit të Pashkëve. Një zyrtar i lartë i Vatikanit do të jetë në vend të Papës./VOA
