Prokurorët rumunë thanë të enjten se kishin arrestuar gjashtë persona me akuzën e përpjekjes për të përmbysur shtetin me ndihmën e Rusisë, duke shënuar një përshkallëzim dramatik të tensioneve midis Bukureshtit dhe Moskës.
Të dyshuarit u arrestuan të mërkurën, në të njëjtën ditë kur Rumania, një anëtare e NATO-s dhe Bashkimit Evropian, shpalli atasheun ushtarak të ambasadës ruse dhe zëvendësin e tij personae non grata për ato që tha se ishin akte që bien ndesh me rregullat diplomatike.
Moska ka thënë se do t’i përgjigjet lëvizjes, raporton Reuters.
“Duke filluar nga viti 2023, pesë nga të pandehurit, së bashku me një të dyshuar, formuan një grup të organizuar kriminal me qëllim të minimit të sovranitetit dhe pavarësisë së shtetit rumun duke minuar politikisht kapacitetin mbrojtës të vendit,” tha njësia kundër krimit të organizuar DIICOT në një deklaratë.
“Gjithashtu, anëtarët e grupit kriminal kontaktuan vazhdimisht me agjentë të një fuqie të huaj, të vendosur si në Rumani ashtu edhe në Federatën Ruse,” thuhet në deklaratë, e cila nuk përmendi emrat e të dyshuarve.
