Zëdhënësja e Ministrisë së Jashtme ruse Maria Zakharova i tha agjencisë shtetërore të lajmeve TASS se një raund i ri bisedimesh midis Rusisë dhe SHBA-së në Arabinë Saudite nuk është planifikuar këtë javë.
Komentet e Zakharova vijnë pasi rrjeti amerikan CNN raportoi të dielën, duke cituar një burim të paidentifikuar, se zyrtarët amerikanë do të takonin një delegacion rus në Arabinë Saudite.
Të martën, një ekip i nivelit të lartë amerikan pritet të takojë zyrtarët ukrainas në Riad për të diskutuar përfundimin e luftës me Rusinë dhe një marrëveshje dypalëshe për mineralet.
Por Zakharova tha se “asnjë informacion nuk është marrë nga pala amerikane” për takimin.
