Papa Françesku nga Vatikani, që nga 14 shkurti është i shtrirë në Poliklinikën Gemelli në Romë.
Vatican News ka raportuar se nata ka kaluar e qetë, sa i përket gjendjes shëndetësore të tij.
Sipas raportit mjekësor të lëshuar mbrëmje në ditën e mërkurë, thuhet se “gjendja klinike e Atit të Shenjtë, në përgjithësi, mbetet e pandryshuar”.
Një rreze X e gjoksit e marrë të martën konfirmoi përmirësimet e vërejtura në ditët e mëparshme.
Derisa, i Ati i Shenjtë vazhdon me terapinë me oksigjen me fluks të lartë gjatë ditës dhe ventilim mekanik joinvaziv gjatë pushimit të natës.
Në të njëjtën deklaratë thuhet se mëngjesin e së mërkurës, “pas ushtrimeve shpirtërore që ndoqi me videolink live nga salla Pali VI, mori Eukaristinë, iu përkushtua lutjes dhe fizioterapisë motorike”.
