Në Ferizaj sot po shënohet 28 shtatori, Dita e Dëshmorëve të kësaj komune. Me këtë rast përfaqësues të institucioneve komunale kanë bërë homazhe te varrezat e dëshmorëve, nga ku kanë çmuar heroizmin e tyre dhe kanë nderuar gjakun e derdhur për lirinë që e gëzojmë.
Kryesuesja e kuvendit komunal, Kristina Gashi Bytyçi, në një status në facebook, ka ndarë disa foto nga homazhet që ka bërë bashkë me kryetarin Aliu dhe përfaqësuesit tjerë tek varret e dëshmorëve. Kryesuesja Gashi- Bytyçi ndër të tjera shpreh respekt për të gjithë të rënët duke theksuar: Ata ranë për mos të vdekur kurrë".
Priten edhe disa aktivitete në nder të kësaj dite të shënuar.
