Gazmend Demolli është fitues i garës Kulla 2022 për Kampionatin e Kosovës, derisa në Kampionatin e FIA CEZ u rendit i treti.
Demolli në garën e sotme pati kohën e përgjithshme prej 06:39.507 minuta, përfshirë dy vozitjet.
Në pozitën e dytë u rendit Ernest Daka me BMW M3 me kohë 06:47.352 minuta.
I treti në plasmanin e përgjithshëm të kampionatit vendor doli Valdet Kaçandolli me Suzuki Swift, me kohë 07:03:063 minuta.
Në konkurrencën ekipore, në pozitën e pare u rendit AMTKK, pozita e dytë i takoi AK Ferizajt, ndërsa e treta doli Prishtina Racing Team.
