Në Prizren, të dielën mbahet gara e disiplinës auto sllallom në konkurrencën e femrave dhe të meshkujve, “Kupa e Prizrenit”, organizator i së cilës është AMTKK.
Gara mbahet te Parku i Biznesit, në aksin rrugor Korishë - Prizren, saktësisht përballë hotelit “OK”.
Duhet theksuar se gara është e karakterit lokal dhe nuk poentohet për Kampionatin e Kosovës, ndërsa rëndësia e saj është edhe në faktin se ka edhe karakter memorial, pasi nderohet ish-garuesi Ramiz Bale.
Paraqitja në garë bëhet deri në orën 10:00, ndërsa më pas kryhen procedurat e zakonshme, verifikimi i dokumentacionit, kontrolli teknik, brifingu me garues, publikimi i listës startuese deri te fillimi i vozitjes testuese (12:00), derisa gara zyrtare pritet të fillojë në orën 13:00.
