Kampionati i Kosovës në automobilizëm ka hyrë në fazën përfundimtare. Në këtë fundjavë mbahet gara e fundit për këtë vit në disiplinën malore, “Zymi 2022.
Interesimi për garë është i madh, ashtu si gjithmonë për këtë disiplinë.
Paraqitja në garë bëhet të shtunën nga ora 09:30-11:00 për të vazhduar me kontrollin teknik, verifikimin e dokumentacionit, takimin e Komisionit Sportiv e publikimin e listës startuese.
Mbyllja e shtegut për veturat civile bëhet në orën 12:15, ndërsa pas brifingut me garues, starti i vozitjes së parë testuese është paraparë për orën 13:00.
Të dielën procedurat fillojnë në orën 10:00, ndërsa gara zyrtarisht fillon në orën 12:00.
