Gara e parafundit për Kampionatin e sivjetmë të Kosovës në auto sport i takon disiplinës karting-sllallom dhe mbahet të shtunën te Salla e Panaireve.
Kësaj radhe, Federata e Auto Sportit e Kosovës në organizim do të asistohet edhe nga edhe dy ekspertë nga Motor Sport UK, Duncan William dhe Paul Victor Sirett, ndërsa qëllimi i saj është promovimi i disiplinës karting-sllallom.
Të drejtë pjesëmarrjeje kanë fëmijët nga mosha 08-18 vjeçare, për të dy gjinitë.
Paraqitja në garë bëhet nga ora 11:00-11:30, ndërsa gara zyrtarisht pritet të fillojë në orën 13:00, pasi të jenë kryer edhe procedurat tjera të zakonshme.
