Marco Bezzecchi merr ‘poleposition’ në Çmimin e Madh të Holandës , i vlefshëm për raundin e tetë të Kampionatit Botëror MotoGP 2023.
Piloti i ekipit VR46 do të niset para të gjithëve në sprintin e orës 15:00 të së dielës, teksa në rreshtin e parë janë dy Ducati-t e tjerë të Francesco Bagnaia dhe Luca Marini.
Pas treshes tërësisht italiane, rreshti i dytë në Assen do të hapet nga Yamaha e Fabio Quartararo, i cili paraprin KTM-në e Brad Binder dhe Aprilia-n e Aleix Espargaro , me shokun e tij të skuadrës Maverick Vinales në vendin e shtatë.
Vetëm i dhjeti Jorge Martin, fitues i garës së fundit në Gjermani. Marc Marquez do të startojë në vendin e shtatëmbëdhjetë pas përplasjes me Enea Bastianini në etapën e parë.
Pas shtatë garave të këtij sezoni, Ducati prin kampionatin me Bagnaia (160 pikë), Martin me 144 pikë dhe Bezzecchi me 126 pikë.
