Verstappen i pandalshëm!
Piloti holandez i Red Bull, Max Verstappen, duket se nuk do të ndalojë dominancën e tij në “Formula 1”, teksa kësaj jave ka arritur të sigurojë “pole position” në Çmimin e Madh të Austrisë.
Në provat zyrtare, “tulipani” regjistroi kohën më të shpejtë, duke treguar se vijon të mbetet favoriti kryesor për sprintin e së shtunës dhe garën e së dielës, ndërsa pas tij janë rreshtuar dy pilotët e Ferrari, Charles Leclerc e Carlos Sainz.
Ndërkaq, pesshja e parë plotësohet nga britanikët, Lando Norris me makinën e tij McLaren dhe rekordmeni, Lewis Hamilton me Mercedes.
