Kampionati i Kosovës në automobilizëm po vazhdon me orar mjaft të ngjeshur, me gara pothuaj në çdo fundjavë dhe me emocione të disiplinave të ndryshme.
Në këtë fundjavë, radha është për spektaklin e madh, Drag Race 3.
Tradicionalisht, gara e gushtit ka qenë më interesante dhe me numrin më të madh të pjesëmarrësve.
Kështu pritet edhe në këtë fundjavë.
Kjo edhe për faktin se një numër i madh i mërgimtarëve tanë aktualisht janë në Kosovë dhe disa prej tyre me siguri do të jenë në mesin e garuesve.
Organizatori, Eurogoma RT në bashkëpunim me FASK-un janë në vlugun e përgatitjeve për organizim sa më të mirë.
