Gazmend Demolli, Përparim Dushi e Faton Rama janë garuesit tanë që po marrin pjesë në garën prestigjioze “Bongo Hill Climb Monsters 2023”, e cila po mbahet në Skradin të Kroacisë.
Në fakt gara më tepër është e karakterit të festivalit automobilistik, por që i tubon garuesit më të mirë nga Evropa, përfshirë kampionë e rekordmenë të njohur.
Në dy vozitjet e sotme, garuesit tanë paten paraqitje solide, por të gatshëm për të dielën kur mbahet gara zyrtare.
Në një konkurrencë shumë të fortë, Gazmend Demolli me Radicall SR8 LM u rendit i gjashti në Grupin 7, Përparim Dushi me Opel Astra TCR i gjashti në Grupin 5 dhe Faton Rama i 13-ti në Grupin 4.
Gjithsesi ata presin që të dielën të kenë rezultate më të mira.
