“Red Bull”-i nuk ka fituar në gjashtë garat e fundit dhe MekLaren tani është në prag të rokadës së madhe, për të marrë kreun e renditjes në botërorin e konstruktorëve. Sfida e radhës në Formula 1 është këtë fundjavë në Baku, në pistën e Azerbajxhanit, ku gjithcka mund të ndodhë. Maks Verstapen kryeson ende renditjen për pilotë mer 62 pikë epërsi ndaj Lando Norrisit.
“Këtë javë u ktheva në fabrikë me ekipin dhe punova në simulator në funksion të sfidës së radhës. Monza ishte një garë e vështirë dhe prioriteti ynë është të rikthehemi konkurrues.
Ekipi ka punuar shumë për të përmirësuar problemet që kemi përjetuar me makinën në garat e fundit. Është gjithmonë një sfidë e mirë të vish në Baku dhe është një pistë e veçantë, sepse edhe pse është një qark rrugësh, ka vija të gjata. Do të shohim se çfarë na pret fundjava”, tha mes tjerash Verstapen.
“Do të kërkojë një përpjekje ekipore, por ne kemi besim se po shkojmë në drejtimin e duhur.
Baku është gjithmonë një pistë argëtuese, mua personalisht më pëlqejnë garat atje, qarqet rrugore i përshtaten stilit tim dhe më pëlqen të sfidoj veten.
Do të jetë interesante të shohim se si reagon makina”, tha holandezi
