Vëllezërit Baran e Doan Karabeg gjatë fundjavës ishin pjesëmarrës të garës prestigjioze në Trento të Italisë.
Gara u organizua nga IRK Promotion në bashkëpunim me TBKART, në shtegun ALA KARTING, ndërsa ka qenë kampionat i hapur, por edhe italian.
Nga pesë gara sprint gjatë ditës, Barani e ka siguruar vendin në mesin e 10 më të mirëve, ndërsa në fund është renditur i dyti, që është rezultat shumë i mirë duke marrë parasysh konkurrencën e fortë që ishte në garë.
Përveç kësaj, u vërejt edhe mungesa e përvojës së Baranit në gara sprint, aq më tepër kur bëhet fjalë për shtegun më të rrezikshëm në Itali, gjë të cilën e ka cekur edhe drejtori i garës gjatë brifingut me garues.
Ai disa herë i ka këshilluar garuesit të kenë maksimalisht kujdes, sidomos në kthesën e parë, që është shume e shpejtë dhe e rezikshme për faktin që muri mbrojtës është shumë afër.
Duhet cekur që edhe Doani ka pasur paraqitje shumë të mirë, duke e siguruar pjesëmarrjen në garën finale të ditës, ndërsa në fund është renditur i 10-ti.
Deri tri gjiro para fundit ai ishte në pozitën e 6-të prej 14 garuesve, por për shkak të një incidenti të vogël ka rënë në pozitën e 10-të.
Gjithsesi ky është rezultat i mirë, pasi për Doanin ishte hera e parë që mori pjesë në këtë lloj të garave dhe motor ROTAX me fuqi 23 kuaj.
