Ferrari po shikon vitin 2025 në Formula 1 me ambicie të mëdha. Ardhja e Luis Hamiltonit së bashku me Sharlel Leklerkun kompleton një ekip ëndrrash.
Të kesh dy pilotë kryesorë në të njëjtin ekip mund të krijojë disa probleme menaxhimi.
Për drejtorin sportiv të “kokëkuqes” Frederik Vaseur ky nuk është një problem.
“Ata të dy kanë një nivel shumë të lartë, janë të shpejtë, kanë përvojë dhe kanë respekt të ndërsjellë.
Krahasimi mes të dyve do të përmirësojë performancën, nuk duhet ta shmangim atë. Ku fiton një titull gjithçka është ndryshe.
Hamilton vjen me këtë lloj nevoje për veten e tij, por edhe për ekipin dhe është një gjë e mirë. Për ne është e rëndësishme ta kemi këtë shtytje nga pilotët. Luisi vjen me një vizion tjetër dhe jam i bindur se përvoja e Luisit do të jetë e dobishme”, shtoi Vasseur.
