Jean Todt, një nga drejtuesit legjendarë të Formula 1, që shkroi historinë e këtij sporti bashkë me Michael Schumacher, ka folur sot për mediat në lidhje me gjendjen e 7 herë kampionit të botës.
“Familja e tij ka vendosur që ta mbajë këtë cështje sekrete, të mos u përgjigjet asnjë pyetje dhe unë e respektoj këtë vendim.
Mund të them se e takoj rregullisht, me dashuri si atë ashtu dhe njerëzit pranë tij”, tha Todt.
Më tej, Todt, që ishte edhe president i FIA-s, shtoi: “Lidhja jonë shkon përtej asaj që arritëm në pistë, përtej punës së përditshme. Ai është pjesë e familjes time që sot është shumë larg Formula 1”.
