Pati mjaft polemika gjatë vitin e kaluar rreth urdhrave të ekipit në McLaren, me synimin për të favorizuar Lando Norris në ndjekjen e titullin kampion bote për pilotë, në duelin kundër Max Verstappen.
Ai që ka vuajtur këto urdhëra është piloti tjetër i McLaren, Oscar Piastri, që këtë sezon ngre zërin.
Në fillim të kampionatit botëror 2025 të Formula 1, te McLaren nuk kanë ndërmend të planifikojnë një pilot të përcaktuar të parë dhe të dytë. Pasi mbërriti në McLaren në moshën 22-vjeçare, Oscar Piastri, pas dy sezonesh mendon se është kandidat për të qenë në mesin e protagonistëve.
Australiani arriti dy fitore dhe një pole position vitin e kaluar, por ai tha se ka synime edhe më ambicioze. “Dua të fitoj kampionatin botëror këtë vit dhe shpresoj se do të kemi një makinë të aftë për ta bërë këtë që në fillim. Ne do të garojmë lirshëm nga fillimi i vitit.
Të gjithë e nisim nga e para”, tha Piastri.
Ai shtoi se nuk ka ndërmend të bëjë asnjë lëshim për shokun e tij të skuadrës Lando Norris: “Ne treguam se jemi të aftë të luftojmë njëri-tjetrin fort, por pastër. Për sa kohë që nuk e bëjmë skuadrën të humbasë pikë, gjithçka do të jetë mirë.
Ne jemi dy pilotë të aftë për të fituar”.
